1 KORIN 7:21 - Lai (Hakha) Common Language Bible 2006

²¹ Pathian nih an kawh ah khan sal na rak si maw? Na si zongah na zei poi hlah; luatnak caan na hmuh ahcun luat i zuam.

Laibaibal Thiang (BSI)

²¹ Sal i na um lio ah kawh na si maw? Ruat tuk duh hlah. Chuah cân a um a si ah cun, cu cân rem cu rak la te.

1 KORIN 7:21 ပူးပေါင်းရင်းမြစ်များ

LUKA 12:29

Cucaah ei awk le din awk rumro kha ruat in lungrethei in um hlah u.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

1 KORIN 7:20

Ahohmanh Pathian auhnak nan rak cohlan lio i nan sining khan um ko u.

1 KORIN 7:22

Zeicahtiah Bawipa nih a kawhmi sal cu Bawipa miluat a si cang; cu bantuk ṭhiamṭhiam in miluat a rak simi, Khrih nih a kawhmi, cu Khrih sal a si ve.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

FILIPI 4:11

Cun cu pinah, an ka hramkau lo, ti ruahnak ka ngeih caah hihi ka chimmi a si fawn lo, zeicahtiah ka ngeihmi paoh ah lungsi tein um ding kha ka thiam cang.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.