1 KORIN 7:17 - Lai (Hakha) Common Language Bible 2006

¹⁷ Ahohmanh Pathian nih laksawng an pek hna ning le Pathian nih an auh hna i nan sining cio khan um ko u. Hihi khrihfabu kip ah ka cawnpiakmi hna a si.

Laibaibal Thiang (BSI)

¹⁷ Asinain Pathian nih mikip sinah a phawt ning cio le Bawipa nih mikip a kawh ningin nunpi ding a si. Cucu kawhhran vialte nih an tuah awkah ka ruahmi a si.

1 KORIN 7:17 ပူးပေါင်းရင်းမြစ်များ

MATTHAI 19:12

Mi nih nupi an ngeih khawh lonak sullam a dangdang a um cio: a cheu cu an i chuahpimi a si, a cheu cu mi nih cuticun an sermi an si; cun a cheu cu Vancung Pennak ruang hrimhrim i nupi ngei loin a ummi an si. Hi cawnpiaknak a zul khomi nih cun cuticun zul ko hna seh,” a ti.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 11:16

Asinain hi kong ah al a ka duhmi nan um ahcun, chim ka duhmi cu hihi a si ko: kanmah nih siseh, Pathian khrihfabu dang nih si hna seh, phung dang hlei kan ngei lo.

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

1 KORIN 14:33

zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.

1 KORIN 16:1

Judea ram i a ummi Pathian mi hna bawmhnak ca i phaisa thawh awk timi kong ah khan, Galatia khrihfabu ka chimhmi hna kha rak tuah ve u.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

1 KORIN 7:18

Cuarpar aa tanmi nih Pathian auhnak kha a cohlan ahcun, cuarpartannak kha hloh tim hlah seh; cun cuarpartan lomi nih a cohlan ahcun cuarpar i tan duh hlah seh.

1 KORIN 7:24

U le nau hna, Pathian nih an kawh hna i nan siningte khan Pathian he i hawikomhnak chungah cun um ko u.

1 KORIN 7:7

A taktak ti ahcun, keimah bantuk hin um dih u law ka duh deuh; sihmanhsehlaw Pathian nih a kan pekmi laksawng kan hmuhmi cu an i dang dih cio.

2 KORIN 11:28

Cun a dang cu zeihmanh chim loin, khrihfabu zawn ka ruahnak nih hin nifate in a nenh in a ka nenh.

2 KORIN 8:18

Cun amah he hin kan unau pakhat, thawngṭha chim rian a ṭuannak ah khrihfabu kip nih an hmaizah ngaimi kha kan rak thlah.

GALATI 1:22

Cucaah cun Judea ram i a ummi Khrihfabu chungmi hna nih khan pumpak in an ka hngal lo.

1THESALON 2:14

U le nau hna, Judea ram chung i a ummi Pathian Khrihfabu, cuka ram i a ummi Khrih Jesuh mi a simi hna cung i a tlungmi thil bantuk nih nannih zong an tlunhnawh ve hna. Judah mi nih hremnak an pek hna bantukin nannih zong nanmah rammi lila nih hremnak an in pek ve hna,

2 THESALON 1:4

Cucaah Pathian Khrihfabu hna sinah nanmah kong cu kan i porhlaw i hremnak le temhnak nan inmi vialte chungah fel tein nan um i nan zumhnak a dorh lo caah kan in thangṭhat hna.