1 KORIN 7:10 - Lai (Hakha) Common Language Bible 2006

¹⁰ Aa ṭhi-um ciami caah hi bia hi chim awk ka ngei, keimah bia hmanh a si lo, Bawipa bia tu a si: nu nih a va kha a kirtak hrimhrim lai lo;

Laibaibal Thiang (BSI)

¹⁰ Cubangin nupi pasal ngeicang mi sinah, keimah si loin, Bawipa nih nawl a pêk. Nupi nih a va ṭhen hlahseh.

1 KORIN 7:10 ပူးပေါင်းရင်းမြစ်များ

JEREMIAH 3:20

Sihmanhsehlaw zumh awk tlak lomi nupi bantukin Ka cungah zumhawktlak loin nan um, maw Israel mi hna, tiah Bawipa nih a ti.

MATTHAI 5:32

Sihmanhsehlaw kei nih cun, hitihin ka ti: Mipa nih a nupi kha, zumhawktlak loin a um ti ṭung lo i a mak ahcun, a nupi kha va a ngeih tikah vacung in pa a duhter a si, cucaah mipa kha a sual; cun amah a rak ṭhitu zong kha a sual ve ṭhiamṭhiam.

MARKA 10:2

Farasi mi kha an ra i foih an ra timh. “Kan phung nih nupi mak hi a kan onh maw onh lo, kan chim tuah,” tiah an ti.

LUKA 16:18

“Ahohmanh a nupi a ma i nu dang a ṭhimi cu a nupi cungin sualnak a tuah a si; cun makmi nu a ṭhimi cu sualnak a tuah a si,” tiah a ti.

1 KORIN 7:11

a kirtak ahcun va ngei loin um lan ko seh, asilole a va he cun i rem ṭhan ko hna seh; cun pa nih a nupi kha ma hrimhrim hlah seh.

1 KORIN 7:12

Cun a dang pawl caah khan Bawipa nih si loin keimah nih hitihin ka ti: Khrihfa mipa pakhatkhat nih zumtu a si lomi nupi a ngeih i a nupi nih um ṭi kha a lung a si ko ahcun, ma hlah seh.

1 KORIN 7:15

Sihmanhsehlaw zumtu a si lomi nih khan, ṭhen a duh ahcun i ṭhen ko hna seh. Cu bantuk thil ahcun Khrihfami kha nupi a si ah pasal a si ah hnek awk a si lo. Pathian nih daihnak in um awkah nannih cu an auh hna.

1 KORIN 7:25

Aa ṭhi-um rih lomi hna kongah hin, Bawipa sinin hmuhmi bia zei ka ngei lo nain Bawipa vel thawngin zumhawktlak a si vemi bantukin ka ruahnak ka chim lai:

1 KORIN 7:40

Asinain a umning in a um ko ahcun aa lawm deuh lai. Cucu ka ruahnak a si i kei zong Pathian Thlarau ka ngei tiah kaa ruat ko.

1 KORIN 7:6

Hi kan chimhmi hna hi nawlbia bantukin kan ti hna lo, a onh in kan onh hna tu a si deuh.