1 KORIN 6:19 - Lai (Hakha) Common Language Bible 2006

¹⁹ Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;

Laibaibal Thiang (BSI)

¹⁹ Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

1 KORIN 6:19 ပူးပေါင်းရင်းမြစ်များ

1 SIANGPAHRANG 20:4

Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

JOHAN 2:21

Sihmanhsehlaw Jesuh nih biakinn a timi cu amah a pum kha a si.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1 KORIN 3:16

Pathian biakinn nan si kha nan hngalh i Pathian Thlarau nan chung i a um zong kha nan hngalh.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

1 KORIN 6:3

Vancungmi khi kanmah nih an bia kan ceih hna lai ti hi nan hngal lo dahra? Hi vawlei cung kan nun lio thil chinchin cu kan ceih awk pei an si cu.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.