1 KORIN 5:9 - Lai (Hakha) Common Language Bible 2006

⁹ Ca kan kuatmi hna chungah khan, misual mi hna he i kom hlah u, tiah ka ti.

Laibaibal Thiang (BSI)

⁹ Nupa sualnâk tuah hmangmi hna he i komh peng lo dingin ka cakuat chungah ka ṭial cang kha.

1 KORIN 5:9 ပူးပေါင်းရင်းမြစ်များ

PHUNGTHLÛKBIA 9:6

Hruhnak lam kha kaltak u law nung cang tuah u, fimnak lam kha zul tuah u,” a ti.

1 KORIN 5:10

Chimh ka rak in duhmi hna cu, a sualmi, hak a kaumi, a firmi, siasal a biami lawkihmi hna kha nan kom hna lai lo, ti a si lo, zeicahtiah annih kha komh lo nan duh ahcun hi vawleicung hin nan chuah a hau hnga;

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

1 KORIN 5:7

Sualnak thilnu hlun cu nan chungah rian a ṭuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.

2 KORIN 6:14

A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

2 THESALON 3:14

Hi ca kan in kuatmi hna chung bia a zul duh lomi hi an um ko lai. Cu bantuk mi hna cu an ning a zah nakhnga kom hna hlah u.

2 THESALON 3:6

U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.