1 KORIN 5:6 - Lai (Hakha) Common Language Bible 2006

⁶ Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

Laibaibal Thiang (BSI)

⁶ Nan i porhlawtpi mi hi a ṭha lo taktak, thilnu tlawmte nih changreu cu a ning piin a thawhter tawn ti nan hngal lo maw?

1 KORIN 5:6 ပူးပေါင်းရင်းမြစ်များ

HOSEA 7:4

An dihlak in va cung in pa aa duhmi an si. Changreu sertu nih changreu rawhnak ah mei a tih i changvut cet a nawnmi kha a thawh lioah mei cu tawngtham lo tein a um caah changreu rawhnak cu a lin ngaingai, cu bantukin a linmi changreu rawhnak bantuk cu an si.

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

LUKA 13:21

Minu nih thilnu aa lak i changvut rel khat chungah a phulh i cu thilnu nih cun changvut cu a thawhter dih. Cu thilnu bantuk cu a si,” tiah a ti.

ROM 6:16

Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

1 KORIN 3:21

Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

GALATI 5:9

“Thilnu tlawmte nih changvut nawnmi cu a thawhter,” an ti tawn bang khan a si taktak hi ta.

2TIMOTE 2:17

Annih cawnpiaknak cu hma a porter chintu men bantuk a si. Hi cawnpiaktu hna lak i pahnih cu Hymenaias le Felitas an si.

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.