1 KORIN 5:2 - Lai (Hakha) Common Language Bible 2006

² Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

Laibaibal Thiang (BSI)

² Cubantuk thil a tuahtu cu ngaihchiatpi in nan sinin ṭhawl ding hmanh a si lio ah nan i porhawt pi khawh rih.

1 KORIN 5:2 ပူးပေါင်းရင်းမြစ်များ

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

NAMBAR 25:6

Cun zohhmanh, Israel mi pakhat cu a ra i Midian minu pakhat cu a innchungkhar hna sinah aa luhpi; mah cucu Moses hmuh le Israel mibu an ningpi hmuh ah a si, tonnak thlam innka i an ṭah lioah khan.

1 KORIN 4:18

A kan tlawng lem lai lo nan ti i a cheu cu lung puam in nan i la.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.