1 KORIN 5:1 - Lai (Hakha) Common Language Bible 2006

¹ Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um ṭi, an ti.

Laibaibal Thiang (BSI)

¹ Nanlak ah nupa sualnâk kong, Gentel hna lak hmanh ah a um ballo mi thawng kha a thang, mipa pakhat nih apa nupi he an i um.

1 KORIN 5:1 ပူးပေါင်းရင်းမြစ်များ

GENESIS 35:22

Israel kha cu ram i a um lioah cun Reuben nih khan a pa nupi pakhat Bilhah cu a ihpi. Cu kong cu Israel nih khan a theih i a thin a hung ngaingai. Jakob fapa cu hleihnih an si:

GENESIS 37:2

Jakob tefa hna tuanbia cu hihi a si. Kum hleisarih a simi tlangval Josef cu a unau pawl, a pa nupi Bilhah le Zilpah fapa hna he khan tuu le meheh an cawng tawn i a unau pawl nih thil ṭhalo an tuahmi kha a pa cu a chimh tawn.

GENESIS 49:4

Asinain nangmah cu tilian bantukin a fek lomi na si caah biapi bik na si lai lo, na pa ihkhun cungah na kai i ka ihkhun kha na thurter.

2 SAMUEL 16:22

Cucaah inn cungah Absalom cu thlam an sakpiak i Israel mi vialte hmuh ah Absalom nih cun a pa nupichun kha a luhhnawh hna.

2 SAMUEL 20:3

Cun David cu Jerusalem khua i a inn kha a phan i inn rak zohkhenh awkah a chiahtakmi nuchun pahra hna kha a lak hna i cawnghmi inn pakhat ah a chiah hna i a cawm hna, sihmanhsehlaw a va luhhnawh hna lo. Cucaah annih cu cuka ah cun an khumh hna i nuhmei bantukin an thih ni tiang an um.

1 CHANRELNAK 5:1

Israel fater Reuben i fapa hna (amah cu a fater a si, sihmanhsehlaw a pa ihkhun kha a thurhnawmhter caah a fater sinak cu Israel fapa Josef fapa hna sinah khan pek a si, cucaah chanrelnak ah khan a fater sinak ning khan khumh a si lo

JEREMIAH 2:33

Duhtu kawlnak caah na lam naa thimmi cu na hei thiam dah! Cucaah nu ṭhalo cem hmanh nih na sinin fimnak aa cawn khawh lai.

EZEKIEL 16:47

Anmah umtuning in um ve in thil fihnung kha na tuah ve lo maw? Anmah nak hmanh in ṭhalo deuh in na um dengmang.

EZEKIEL 22:10

Nangmah chungah hin mi a cheukhat nih an pale kha an ningzahnak an langhter hna i nu kha nuphung an hngalh lioah an buar hna;

LEVITIKAS 18:8

Na pa nupi pumlawnnak cu na hlim lai lo; mah cucu na pa pumlawnnak a si ko.

LEVITIKAS 20:11

A pa nupi a ihpimi cu a pa pumlawnnak a hlim a si; an pahnih in thah an si lai, an thisen cu anmah cungah a si.

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

1 KORIN 1:11

Ka u le ka nau hna, Khalawi innchungkhar chungmi nih an ka chimh i an i si lengmang an in ti hna.

1 KORIN 5:11

ka rak in chimh duhmi hna cu, Khrihfa ka si ve aa ti ṭung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei ṭi hlah u.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

1 KORIN 6:18

Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

2 KORIN 2:5

Ngaihchiatnak a chuahtertu nih ngaihchiatnak a chuahter tikah, keimah cungah a chuahter si loin nanmah cungah a chuahter a si deuh — perh lo tein, nanmah lak i tlawmpal cu nan ngaih an chiatter ko hna khah — hiti ka chim hi amah kha fak tuk in ti ka duh lo caah a si.

2 KORIN 7:12

Cucaah kha ca kha kan kua ko hna nain, sualnak a tuahtupa le a cungah sualnak tuah a simipa kong kha biapi bik in ka ruahmi an si lo. Kaa tinhmi cu, zeitluk in dah nan ka ṭanh ti kha Pathian mithmuh i nan sin i fianter kha a si.

GALATI 5:19

Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,

EFESA 5:3

Nannih cu Pathian mi nan si caah nu le pa sualnak le dawhcah loin khuasaknak le hakkauhnak cu a chim hmanh nan chim awk a si lo.

DEUTERONOMI 22:30

“Ahohmanh nih a pa nupi kha a la lai lo, a pa hni kha a hlimpiak lai lo.

DEUTERONOMI 27:20

“ ‘A pa nupi kha a ihpimi cu chiat seh, zeitintiah a pa hni a hlim a si,’ tiah an thanh lai. Cun mi vialte nih, ‘Amen’ an ti lai.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

1 SAMUEL 2:24

Asilo, ka fale hna, Bawipa mi hna nih a kenkip i an chim lulhmalhmi thawng cu thawng ṭha a si hrimhrim lo.