1 KORIN 4:8 - Lai (Hakha) Common Language Bible 2006

⁸ Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

Laibaibal Thiang (BSI)

⁸ Nan khim ngai cang! Nan rum ngai fawn! Kan tello in siangpahrang bangin bia nan ceih! Asi, bia nan ceih hi ka duhmi a si ko, nanmah he ceihṭi kho chinchin u sihlaw!

1 KORIN 4:8 ပူးပေါင်းရင်းမြစ်များ

PHUNGTHLÛKBIA 13:7

Mi a cheukhat cu mirum bantukin an i umter, sihmanhsehlaw zeihmanh an ngei lo, a cheukhat cu sifak bantukin an i um ter, sihmanhsehlaw chawva tampi an ngei.

PHUNGTHLÛKBIA 25:14

Laksawng kan pek lai a ti lengmang i a pe taktak ṭung lomi cu Ruahti pawi lo khuadawm le thli bantuk a si.

ISAIAH 5:21

Nan lo cang! Kan fim nan ti, a fim ngaingai ah nan i ruat.

JEREMIAH 28:6

“Cuticun hei si tak seh law dah ngai kaw! Bawipa nih cu bang cun tuah ko sawh seh; na chimmi na bia cu Bawipa nih tlinter hram ko seh law, hi hmun ah hin Babilon ram in Bawipa umkheng hna cu le saltang vialte hna kha kirter ṭhan hram ko hna seh!

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

MATTHAI 5:1

Jesuh nih mi zapi kha a hmuh hna tikah tlang cungah a kai i cuka ah cun a ṭhu. A zultu hna kha amah velchum ah cun an i pum

LUKA 6:25

Atu i a paw a khimmi nan caah cun ngaihchia a va si dah! Rawlṭam in nan vak lai. Atu i a ni lengmangmi nan caah cun ngaihchia a va si dah! Ngaihchia in nan ṭap lai!

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

1 KORIN 1:5

Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

1 KORIN 4:18

A kan tlawng lem lai lo nan ti i a cheu cu lung puam in nan i la.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

2 KORIN 11:1

Ka hruh deuh hmanh ah rak ka ing hram ko u!

2 KORIN 13:9

Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.