1 KORIN 4:7 - Lai (Hakha) Common Language Bible 2006

⁷ Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

Laibaibal Thiang (BSI)

⁷ Zeitintiah midang nâkin phundang deuh in an sertu hna cu ahodah an si? Cun nan cohlan mi hlei in hmuhmi dang nan ngei maw? Na cohlan ko nain zeiruangahdah a cohlang lomi bangin na hmaihngal pi?

1 KORIN 4:7 ပူးပေါင်းရင်းမြစ်များ

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

LUKA 19:13

A kal hlanah a sal pahra kha a kawh hna i sui tangka phar khat cio a pek hna. Cun a thawh hna i, ‘Ka um lo karah hi hin chaw rak let u,’ a ti hna.

JOHAN 1:16

A liam in a liammi a vel chung cun thluachuahnak kha pakhat hnu pakhat a kan pek lengmang.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 12:6

Cucaah laksawng phun dangdang kan hmuh ciomi cu Pathian nih a kan pekmi vel kan hmuh ning cio ah hmang hna u sih. Laksawng kan hmuhmi cu Pathian bia chim thiamnak a si ahcun, zumhnak kan ngeihmi ning khan kan hman awk a si;

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

1 KORIN 7:7

A taktak ti ahcun, keimah bantuk hin um dih u law ka duh deuh; sihmanhsehlaw Pathian nih a kan pekmi laksawng kan hmuhmi cu an i dang dih cio.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.