1 KORIN 4:19 - Lai (Hakha) Common Language Bible 2006

¹⁹ Bawipa duhnak a si ahcun, tuan ah kan tlawng hna lai i hi milungpuam pawl nih hin zeidah an tuah khawhmi taktak a si kha keimah hrimhrim nih ka ra zoh lai, zeidah an chim khawh timi lawng kha si lo in.

Laibaibal Thiang (BSI)

¹⁹ Asinain Bawipa nih rem a ti ahcun ka ra zau lai. Cuticun mi porhlaw hna nih zeibantuk ṭhawnnâk dah an ngeih ti cu ka hngalh ko lai.

1 KORIN 4:19 ပူးပေါင်းရင်းမြစ်များ

LAMKALTU 18:21

Efesa khua in a chuahpah ah cun a thawh hna i, “Pathian hnatla a si ahcun, nan sinah ka ra kir ṭhan lai,” tiah a ti hna.

LAMKALTU 19:21

Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

LAMKALTU 20:2

Cuka ram chung khua kha a ṭolpah duahmah hna i thazang peknak bia kha a chimh hna. Cun Grik ram kha a phan i

ROM 15:32

Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

1 KORIN 14:5

Nan dihlak in holhtheihlo i holh cu kan duhpiakmi hna zong a si ko hnga, sihmanhsehlaw kan duhpiak deuhmi hna cu Pathian bia chim khawhnak laksawng kha ngei u ti hi a si. Zeicahtiah Pathian bia a chimmi cu holhtheihlo in a holhmi nakcun a ṭhahnem deuh suaumau. Khrihfabu nih an ṭhathnempi khawh nakhnga caah a let khotu an um ṭung lo ahcun holh theih lo cu zeihmanh a ṭhahnem lo.

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

1 KORIN 16:7

In palpah hna men cu kaa lungsi hnga lo. Bawipa nih a ka onh ahcun nan sin i sau nawnpi cam ka duh.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

1 KORIN 4:18

A kan tlawng lem lai lo nan ti i a cheu cu lung puam in nan i la.

1 KORIN 4:6

Ka u le ka nau hna, nanmah ṭhatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangṭhat hlei hna hlah u, ahohmanh namh hlei hna hlah u.

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

2 KORIN 10:9

Ca in an hro hna bantuk lawh cu ka duh lo.

HEBRU 6:3

Hmailei ah kal u sih, Pathian a hna a tlak ahcun, kan kal kho hrim ko lai.

JEIM 4:15

“Bawipa a hna a tlak ahcun, kan nung lai i cucu khakha kan tuah lai,” ti tu ah nan ti awk deuh a si.