1 KORIN 4:17 - Lai (Hakha) Common Language Bible 2006

¹⁷ Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

Laibaibal Thiang (BSI)

¹⁷ Hi ruangah Timote, ka dawtmi le Bawipa i zumhawktlâk ka fa cu nan sinah ka run thlah, anih nih Krih i ka umtuning, ramkip i kawhhran kipah ka cawnpiak ning hi an chimh hna lai.

1 KORIN 4:17 ပူးပေါင်းရင်းမြစ်များ

PHUNGTHLÛKBIA 13:17

Lamkaltu ṭhalo nih harnak chungah a luhpi tawn hna, Sihmanhsehlaw zumh awk tlak lamkaltu nih cun zeizong vialte kha an ṭhatter ṭhan tawn.

NAMBAR 12:7

Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:23

A bawipa nih cun, ‘Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

1 KORIN 11:16

Asinain hi kong ah al a ka duhmi nan um ahcun, chim ka duhmi cu hihi a si ko: kanmah nih siseh, Pathian khrihfabu dang nih si hna seh, phung dang hlei kan ngei lo.

1 KORIN 11:2

Keimah kha philh lo tein nan ka um i kan pek chinmi hna cawnpiaknak kha nan zulh caah kan thangṭhat hna.

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

1 KORIN 14:33

zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.

1 KORIN 16:1

Judea ram i a ummi Pathian mi hna bawmhnak ca i phaisa thawh awk timi kong ah khan, Galatia khrihfabu ka chimhmi hna kha rak tuah ve u.

1 KORIN 16:10

Timote kha nanmah lei i a rat sual ahcun ṭha tein rak conglawmh u, amah cu keimah bantukin Bawipa ca i rian a ṭuanmi a si.

1 KORIN 4:14

Hi tiin ca kan kuat hna hi nan ningzak seh ti ka duh caah a si lo, ka dawtmi ka fale taktak bantukin cawnpiak kan duh hna caah a si.

1 KORIN 4:15

Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

1 KORIN 7:17

Ahohmanh Pathian nih laksawng an pek hna ning le Pathian nih an auh hna i nan sining cio khan um ko u. Hihi khrihfabu kip ah ka cawnpiakmi hna a si.

1 KORIN 7:25

Aa ṭhi-um rih lomi hna kongah hin, Bawipa sinin hmuhmi bia zei ka ngei lo nain Bawipa vel thawngin zumhawktlak a si vemi bantukin ka ruahnak ka chim lai:

2 KORIN 8:18

Cun amah he hin kan unau pakhat, thawngṭha chim rian a ṭuannak ah khrihfabu kip nih an hmaizah ngaimi kha kan rak thlah.

EFESA 6:21

Taikhikas, kan dawtmi kan nau le Bawipa rian ah zumh awk tlak a simi nih ka konglam kha a dihlak in an chimh hna lai i ka ningcang kha nan rak theih lai.

FILIPI 2:19

Nan thawngpang nih lungṭhatnak a ka pek lai ti ruahchannak ka ngeih caah Timote kha nan sinah tuan i ratter kha a si kho lai tiah Bawi Jesuh cu ka zumh ko.

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

KOLOSE 1:7

Cucu Epafras sin khan nan theih; amah cu kan rianṭuanhawi, kanmah aiawh in Khrih ca i rian a ṭuanmi, zumh awk tlak ngaimi a si.

KOLOSE 4:9

Amah sinah cun Onesimas kha a ra ve lai, amah cu kan dawtmi, zumh awk a tlakmi kan nau, nanmah chung mi kha a si. Hika lei thil umtuning vialte kha an in chimh hna lai.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 1:2

Zumhnak i ka fa taktak a simi Timote, ca kan kuat. Pathian kan Pa le Khrih Jesuh kan Bawipa nih vel le zaangfahnak le daihnak in pe ko seh.

2TIMOTE 1:2

ka dawtmi ka fa Timote, ca kan kuat. Pathian kan Pa le kan Bawipa Khrih Jesuh nih vel le zaangfahnak le daihnak in pe ko seh.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.