1 KORIN 4:1 - Lai (Hakha) Common Language Bible 2006

¹ Kannih cu Khrih sal, Pathian biathli kengtu ah khan nan kan ruah awk a si.

Laibaibal Thiang (BSI)

¹ Kan nih hi Krih sinum le Pathian biathli kengtu ah mi nih kan ruat hna seh.

1 KORIN 4:1 ပူးပေါင်းရင်းမြစ်များ

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

LUKA 1:2

Cu an ṭialmi cu a hramthawk lio i an mit in a rak hmumi hna nih an kan chimhmi le hi bia a rak chimtu hna nih an rak chimning khan a si.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

LUKA 8:10

Jesuh nih a thawh hna i, “Pathian Pennak kong biathli hngalhnak cu nannih cu pek nan si cang; sihmanhsehlaw midang cu tahchunhnak bia lawngin chimh an si lai, cucaah cun an zoh len lai nain an hmu lai lo, an ngai len lai nain an hngal lai lo,” tiah a ti.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 4:13

Chiat an kan serh tikah thluachuah le vanluh kan pek hna; an kan hrem tikah kan in, biaziar in an kan ti tikah bia nem in kan leh hna. Kannih cu kuthnawm hnawhnak puanchia kan si ko; nihin ni tiang hrimhrim hin vawlei cung hnawmtinphor kan si ko.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 12:6

Porhlawt ka duh vekvek a si ahcun mihrut porhlawt in kaa porhlaw lai lo, zeicahtiah biatak pei ka chim lai cu. Sihmanhsehlaw kaa porhlaw lai lo, zeicahtiah ka tuahmi in mi nih an ka hmuhnak le ka chimmi in mi nih an ka theihnak nak sang in ka cungah ahohmanh nih ruahnak an ngeih ding kha ka duh lo.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

1TIMOTE 3:6

Khrihfa a cannak a naimi a si lai lo, zeicahtiah a hnar a puar sual lai i Khuachia kha sualphawt a rak si bantuk khan sualphawt a si ve sual lai.

1TIMOTE 3:9

Phuanmi zumhnak biatak cu chiaṭha thleidannak thiang in fek tein aa tlaihmi an si lai.

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.