1 KORIN 3:5 - Lai (Hakha) Common Language Bible 2006

⁵ A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

Laibaibal Thiang (BSI)

⁵ Paul cu ahodah a si, Apolo zong cu ahodah a si, rianṭuantu nan zumhmi kong an chimtu hna, cu hmanh cu Bawipa nih a pêkning cioin an si lo maw?

1 KORIN 3:5 ပူးပေါင်းရင်းမြစ်များ

MATTHAI 25:15

Anmahle an thil ti khawh ning cio khan ngun tangka a pek hna: pakhat cu thong nga, pakhat cu thong hnih a pek i pakhat cu thong khat a pek. Cun khualtlawn ah cun aa thawh.

LUKA 1:2

Cu an ṭialmi cu a hramthawk lio i an mit in a rak hmumi hna nih an kan chimhmi le hi bia a rak chimtu hna nih an rak chimning khan a si.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

LAMKALTU 18:24

Alekzandria khuami Judah mi pakhat a min Apollo a simi kha Efesa khua ah a ra. Amah cu biachim a thiam ngaingaimi a si i Cathiang kha ṭha tein a hngalmi a si.

LAMKALTU 19:1

Apollo kha Korinth khua i a um lioah Paul cu kha peng chungah khan khual a tlawng i Efesa khua kha a phan. Khika ah zultu tlawmpal kha a va hmuh hna i

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

1 KORIN 16:12

Cun kan unau Apollo cu, kan hawi dang hna le nanmah tlawn kha ka forh lengmang, asinain atu ah cun a si thiam rih lai lo tiah a ruah. Caan rem a hmuh tikah a ra te lai.

1 KORIN 3:10

Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,

1 KORIN 3:22

Paul siseh, Apollo siseh, Peter siseh, hi vawlei hi siseh, nunnak siseh, thihnak siseh, atu caan hi siseh, hmailei caan khi siseh, hi vialte hi an dihlak in nanmah ta an si i

1 KORIN 3:7

A ci a tuhtu le ti a toihtu thamtham cu biapi an si ṭung lo. Pathian kha pei biapi cu a si cu, zeicahtiah amah nih khan pei a ṭhanter cu.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

2 KORIN 5:18

Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

EFESA 3:7

Thawngṭha rian ṭuantu ka si hi Pathian laksawng a si i cu laksawng cu Pathian nih a ṭhawnnak rian a ṭuannak ah hin hmuh awk aa tlakmi ka si lo nain a ka pek.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:25

Cun Khrihfabu sal ah cun Pathian nih khan a ka ser i Pathian nih hi rian cu nanmah ṭhatnak ding caah a ka pek. Cu rian cu Pathian bia tlamtling tein chim kha a si i

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.