1 KORIN 3:19 - Lai (Hakha) Common Language Bible 2006

¹⁹ Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

Laibaibal Thiang (BSI)

¹⁹ Zeitintiah hi vawlei fimnâk hi Pathian ruahnâk ah hruh a si. “Mifim hna cu, an fim zernâk nih a foih hna,” tiah ṭial a si;

1 KORIN 3:19 ပူးပေါင်းရင်းမြစ်များ

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 16:23

Cu caan ah cun Ahithophel nih ruahnak a chuahmi cu Pathian sin i hmuhmi bia tluk ah khin rel a si; cuticun Ahithophel ruahnak vialte cu David nih siseh Absalom nih siseh an upat.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

JOB 5:13

Mifim hna cu anmah zernak lila ah khan a foih hna i Mihrokhrawl hna timhtuahnak cu khulrang in a dong.

SALM 141:10

Miṭhalo cu anmah rap lila ah khan i foih hna seh, kei bel harnak zeihmanh tong loin kal ko ning.

EXODUS 1:10

An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai,” a ti hna.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

1 KORIN 4:6

Ka u le ka nau hna, nanmah ṭhatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangṭhat hlei hna hlah u, ahohmanh namh hlei hna hlah u.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

JEIM 3:15

Cu bantuk fimnak cu vancung in a rami a si lo; cu bantuk fimnak cu hi vawlei cung fimnak hi a si i thlarau aa tel lomi fimnak, khuachia fimnak tu a si.