1 KORIN 3:15 - Lai (Hakha) Common Language Bible 2006

¹⁵ Asinain ahohmanh a sakmi inn cu a kangh dih ahcun, cu inn cu a sung ko lai; mei chungin luat bantuk khi a si lai nain amah cu khamh a si ko lai.

Laibaibal Thiang (BSI)

¹⁵ Mizei ṭuanmi zong an kangh ahcun, cu nih cun ṭuanman a sung lai, amah tu cu mei chungah a lanmi bangin khamh a si lai.

1 KORIN 3:15 ပူးပေါင်းရင်းမြစ်များ

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

SALM 66:10

Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

SALM 66:12

Kan ral nih khan an kan lamh beh; tilian le meisul lakah na kan kalter, asinain atu cu himnak hmun na kan phakter.

AMOS 4:11

Pathian nih Sodom le Gomorrah a hrawh bantuk khan nan cungah rawhralnak ka tlunter; Nannih cu mei alh chungin chuahmi mei thingthu bantuk nan si, Sihmanhsehlaw ka sinah nan kir hlei lo. Hihi Bawipa bia hrimhrim a si.

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

LAMKALTU 27:21

Cuticun mi cu rawl loin saupi an um tikah Paul cu an hmaiah a dir i, “U le nau hna, ka bia rak ka ngaiin Krit tikulh khan chuak loin rak um u si law, hi harnak le sunghnak vialte hi kan tong hnga lo.

LAMKALTU 27:44

cun a taangmi pawl nih cun thingpheng zeilo ṭukṭak le lawng kuaimi pelpawi kha an i tlaih cio i an zulh hna. Cuticun kan dihlak in him tein titlang ah kan chuak.

1 PETER 4:18

Cathiang nih a chim bangin, “Mi ṭha ca hmanh ah khamhnak hmuh a har, Cucaah Pathian zei i a rel lomi hna le sualnak a tuahmi hna cu, zeidik an hei lawh te lai.”

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

JUDAS 1:23

mei chung khan chuah hna u law khamh hna u. Cun midang zong kha ṭih le hmaizah kemh hna u, sihmanhsehlaw an pumsa duhnak an nehmi puan hrimhrim kha cu hua hna u.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.