1 KORIN 3:14 - Lai (Hakha) Common Language Bible 2006

¹⁴ Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

Laibaibal Thiang (BSI)

¹⁴ Mizei ṭuanmi zong a cung i sakmi kha a hmunh ahcun, cunih cun ṭuanman a hmuh lai.

1 KORIN 3:14 ပူးပေါင်းရင်းမြစ်များ

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

GALATI 6:4

Kan rian ṭuanmi cu kanmah cio nih a ṭhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a ṭha a ṭhalo ti hau loin, kan lung aa lawm kho lai.

1THESALON 2:19

A ngaingai ti ahcun, midang ahohmanh si loin, nanmah hrimhrim hi, kan Bawipa Jesuh a rat tik i a hmaika i kan dir tikah kan ca i ruahchannak le lawmhnak le thangṭhatnak cu nan si lai.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.