1 KORIN 3:10 - Lai (Hakha) Common Language Bible 2006

¹⁰ Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,

Laibaibal Thiang (BSI)

¹⁰ Pathian zângfahnâk pêk kan sining cio in innsak a thiam ngaimi bangin keinih a hram ka bunh, midangnih a cungah inn an sak. Cuticun a cungah inn a satu hna nih an sakning ah i ralring cio hna seh.

1 KORIN 3:10 ပူးပေါင်းရင်းမြစ်များ

2 CHANRELNAK 2:12

Huram nih cun hi ti zong hin a ti fawn, “Bawipa, Israel Pathian, van le vawlei a ser i Bawipa caah biakinn le amah caah siangpahrang inn i saknak ding caah ruahnak fim le hngalhthiamnak a ngeimi fapa David Siangpahrang a petu cu thangṭhat si ko seh.

EXODUS 36:4

Biakinn a satu zungthiam pawl nih khan an rian cio cu an kaltak zau i Moses sinah cun an ra i

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

PHUNGTHLÛKBIA 9:1

Fimnak nih a inn kha a sak cang, a tung pasarih kha a phun cang hna.

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

MATTHAI 7:24

“Cucaah hi ka bia a thei i a zulmi cu lung cungah a inn a sami mifimpa bantuk a si.

LUKA 11:35

Cucaah nan chung i ceunak a ummi cu muihnak a si nakhnga lo i ralring tuah u.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

LAMKALTU 18:27

Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 15:15

Sihmanhsehlaw hi cakuat i kan theihter ṭhanmi hna ah hin, ka ral a ṭha nawn ko. Ka ralṭhatnak cu Pathian nih Jentail mi hna ca rian ṭuan awk i

ROM 15:20

Ka saduhthah cu Khrih an theih bal lonak hmun i Thawngṭha chim kha a si zungzal, zeicahtiah midang i a hram an rak thawk cianak hmun i va sak cu ka duh lo;

1 KORIN 3:11

zeicahtiah Pathian nih Jesuh Khrih lawnglawng cu a hram caah khan a chiah cang i hram dang zeihmanh chiah awk ding a um ti lo.

1 KORIN 9:2

Midang nih cun lamkaltu ah ka rel hmanh hna hlah seh law nannih nih cun nan ka rel awk a si, zeicahtiah Bawipa chung i nunnak nan hmuhmi thawng hin lamkaltu ka si cu fiang tein a langhtertu nan si.

2 KORIN 10:15

Cucaah Pathian nih a kan chiahpiakmi rian ramri leng i midang nih an ṭuanmi kha kannih cu kan i uang lo. Kan i ruahchanmi tu cu, nan zumhnak kha a ṭhang lai i Pathian nih a kan chiahpiakmi ramri chungah khan nan lakah rian ngan deuh chinchin kan ṭuan khawh lai, ti hi a si.

EFESA 2:20

Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

KOLOSE 4:17

Cun Arkhipas kha, “Bawipa rian chungah ṭuan ding an in fialmi kha rak lim hrimhrim seh an in ti,” tiah rak chim u.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

2TIMOTE 2:15

A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam.

JEIM 3:1

Ka u le ka nau hna, tam tuk cu saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

2 PETER 3:15

Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si.

BIAPHUAN 21:14

Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i ṭial.

BIAPHUAN 21:19

Khua kulhnak vampang hram cu lung man sung a phunphun in an ṭamh. A tang nung bik lung cu jasper lungvar a si, a pahnihnak cu safaiar lungvar a si, a pathumnak cu agate lungvar a si, a palinak cu emeral lungvar a si,