1 KORIN 2:15 - Lai (Hakha) Common Language Bible 2006

¹⁵ Thlarau a ngeimi nih cun zeizong vialte kha an ṭhat an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.

Laibaibal Thiang (BSI)

¹⁵ Asinain Thlarau mi nih thil vialte hi a hngalh tawn, anih tu cu ahohmanh nih an hngal kho lo.

1 KORIN 2:15 ပူးပေါင်းရင်းမြစ်များ

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

PHUNGTHLÛKBIA 28:5

Miṭhalo nih biading hi zeidah a si kha an hngal lo, sihmanhsehlaw Bawipa a kawlmi hna nih cun tling tein an hngalh cikcek.

PHUNGCHIMTU 8:5

A nawlbia na ngaih chung cu harnak na tong lai lo, mifim nih cun zeitik ah dah caan kha a ṭhat ti le zeitin tuah ah dah a ṭhat ti kha a hngalh.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

LAMKALTU 16:3

Paul nih cun Timote kha i ṭhit a duh caah a cuarpar kha a tan. Cu bantukin a tuah cu khika hrawng i a ummi Judah mi vialte nih Timote a pa cu Grik mi a si ti kha an hngalh caah a si.

1 KORIN 14:37

Ahohmanh nih Pathian lamkaltu ka si tiin aa ruah ah siseh, thlarau laksawng ngeimi ka si tiin aa ruah ah siseh, a hngalh awk cu, nan sin i ka ṭialmi hi Bawipa nawlbia a si, ti kha a si.

1 KORIN 3:1

A ngaingai ti ahcun, ka u le ka nau hna, nannih sinah cun Thlarau a ngeimi hna sin i bia ka chim bantukin ka chim kho lo; hi vawleicung mi bantuk le Khrihfa zumhnak i bawhte a si rihmi hna bantuk lawngin bia kan chimh khawh hna.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

1THESALON 5:21

Zeizong vialte kha hneksak dih hna u: a ṭhami kha i chiah u law

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.