1 KORIN 2:13 - Lai (Hakha) Common Language Bible 2006

¹³ Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

Laibaibal Thiang (BSI)

¹³ Cuthil hna cu minung cawnpiak mi fimnâk si loin, Thiang Thlarau cawnpiakning tuin, thlarau kong cu thlarau in kan chim tawn.

1 KORIN 2:13 ပူးပေါင်းရင်းမြစ်များ

LUKA 12:12

Zeicahtiah Thiang Thlarau nih khi caan ah nan chim awk cu an chimh ko hna lai,” tiah a ti.

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

1 KORIN 1:17

Khrih nih hin, tipil va pe hna, tiah a ka thlah lo, Thawngṭha kha va chim hna, tiah a ka thlah i cucu minung fimnak bia i bochan dingin a si lo. Zeicahtiah vailamtahnak i Khrih a thih kha minung fimnak bia in chim ahcun a hmual a lolak sual hnga.

1 KORIN 14:2

Holhtheihlo in a holhmi cu minung sinah si loin Pathian sinah bia a chim a si, zeicahtiah ahohmanh nih a chimmi kha a sullam an hngal lo. Thlarau nih khan cu ti bia chim khawhnak cu a pek cu a pek ko lai, sihmanhsehlaw a chimmi cu hngalh lomi thil a si.

1 KORIN 2:1

Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

1 KORIN 2:4

kan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.

1 KORIN 9:11

Nan lakah thlarau thlaici kha kan tuh, nan sinin vawlei cung thil kan zun ahcun cucu a tam tuk maw?

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

2 PETER 1:16

Kan Bawipa Jesuh Khrih ṭhawnnak in a rat kha, kannih nih kan in chimh hna tikah, mi phuahchommi tuanbia ṭukṭak kha kan i rinhmi an si lo. A lianhngannak kha kan mit hrimhrim in kan hmuh.