1 KORIN 2:1 - Lai (Hakha) Common Language Bible 2006

¹ Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.

Laibaibal Thiang (BSI)

¹ Ule nau hna, Pathian hngalhternâk bia phuang dingin nan sin i ka rat ah khan biachimthiamnâk le a thûkmi fimthiamnâk he ka ra lo.

1 KORIN 2:1 ပူးပေါင်းရင်းမြစ်များ

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 22:18

Cu langhnak ah cun Bawipa kha ka hmuh i a ka thawh i, ‘Khulrang tein Jerusalem khua hi chuahtak tuah, zeicahtiah hika i a ummi hna nih hin keimah kong i na chimmi bia hi an cohlang lai lo,’ a ka ti.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

1 KORIN 1:17

Khrih nih hin, tipil va pe hna, tiah a ka thlah lo, Thawngṭha kha va chim hna, tiah a ka thlah i cucu minung fimnak bia i bochan dingin a si lo. Zeicahtiah vailamtahnak i Khrih a thih kha minung fimnak bia in chim ahcun a hmual a lolak sual hnga.

1 KORIN 1:6

Cu a langhnak cu Khrih kong kan chimmi biatak kha nan chung i fek tein a umnak ah hin a si i kan Bawipa Jesuh Khrih a langh lainak nan hngahnak ah hin

1 KORIN 2:13

Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

1 KORIN 2:4

kan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

2 KORIN 10:10

Micheu nih nan i thawh i, “Paul cu ca kuat ciammam ah cun a ti ti awk a ṭha lo, sihmanhsehlaw hmunkhat um taktak ahcun zei pipa a si lo, bia chim zongah zei ṭhai a si lo,” nan ti.

2 KORIN 11:6

Phungchim cu a thiam lo zong ka si ko lai, sihmanhsehlaw hngalhnak ah cun ka niam deuh hrimhrim lo; zeitik caan paoh ah biatak cu tlingte le fiang tein kan in theihter ko hna.

1TIMOTE 1:11

Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.