1 KORIN 16:9 - Lai (Hakha) Common Language Bible 2006

⁹ A ka dohtu tampi an um nain hika ah hin rianṭuannak caan ṭha ngai a um.

Laibaibal Thiang (BSI)

⁹ Zeitintiah rianṭuannâk ding lam kau deuh le a hlawk deuh ding ka caah â ong, doh kalhtu zong tampi cuka ah an um.

1 KORIN 16:9 ပူးပေါင်းရင်းမြစ်များ

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

2 KORIN 1:6

Temhnak kan in ahcun nanmah hnangamnak le khamhnak caah a si; cun hnangamnak kan hmuh ahcun nannih zong nih nan hmuh ve i kan inmi temhnak kha lungsau in nan in khawh ve nakhnga thazang pek nan si.

2 KORIN 2:12

Khrih kong Thawng Ṭha kha chim awkah Troas khua ka phak tikah, Bawipa nih cu rian ṭuannak caah lam a ka onh ti kha ka hmuh.

FILIPI 3:18

Hihi hlanah voi tampi kan chimh cang hna i atu ah mitthli he ka nolh rih, mi tampi cu an nuncan nih Khrih vailamtahnak ral ah a canter hna.

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.