1 KORIN 16:2 - Lai (Hakha) Common Language Bible 2006

² Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

Laibaibal Thiang (BSI)

² Ka rat tikah khawlh a herh nakhnga lo, mikip nih nan hmuhmi thluachuahnâk he â tlâk cio in zarhkhat chung ni hmasa bik pauh ah rak pum hna u.

1 KORIN 16:2 ပူးပေါင်းရင်းမြစ်များ

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

GENESIS 30:27

Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

GENESIS 33:11

Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

2 CHANRELNAK 31:10

Cun Zadok hrin a simi tlangbawi upa bik Azariah nih khan a leh i, “An thawhlawm cu Bawipa inn chungah ratpi an thawk in kannih nih kan rak ei i kan i za i tampi a hleimi kan ngei rih; Bawipa nih a mi cu thluachuahnak a pek hna caah, cucaah tampi a hleimi kan ngei,” tiah a ti.

MARKA 14:8

A tuah khawh tawk pei a tuah cu: ka pum zihmui in a ka toih cu vui awk ca i a hlankan in a rak ka timh chung pei a si cu.

LUKA 16:10

Thil hmete ah zumhawktlak a simi cu thil ngan zongah zumhawktlak an si tawn, thil hmete ah a hrokhrawlmi cu thil ngan zongah an hrokhrawl tawn.

LUKA 24:1

Zarhpi ni zingkate ah nu hna cu zihmui an timhmi kha i put in thlan ah khan an va kal.

JOHAN 20:19

Zarhpi ni zanlei sang tlai nawn ah khin a zultu hna cu an i pum i Judah upa kha an ṭih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

JOHAN 20:26

Cu hnu zarh khat ah khin a zultu hna cu inn chungah khan an um ṭhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

2 KORIN 8:10

Hi rian kong ah hin ka ruahnak cu hi bantuk hin a si: Nikum i nan rak thawk cangmi kha atu cu nan lim ahcun a ṭha deuh ka ti. A ṭuannak lawngah si loin ṭuan thawk duhnak zongah khan lungthin a ngei hmasa bik cu nanmah kha nan rak si.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.