1 KORIN 16:18 - Lai (Hakha) Common Language Bible 2006

¹⁸ Nanmah nan tha an in nuamter hna bantukin kei zong ka tha an ka nuamter ve. Anmah bantuk minung hi kan thangṭhat hna awk a si.

Laibaibal Thiang (BSI)

¹⁸ Zeitintiah annih nih nan thlarau an tharchuah bangin ka thlarau zong an tharchuah ngaingai. Cucaah hi bantuk mi hi cohlang hna u.

1 KORIN 16:18 ပူးပေါင်းရင်းမြစ်များ

PHUNGTHLÛKBIA 25:13

Zumh awk tlak a simi lamkaltu cu, a thlahtu hna caah, facang ṭuan caan i a kikmi hawhra bantuk a si, A bawile lungthin kha a hrimhter.

PHUNGTHLÛKBIA 25:25

Ram hla piin theihmi thawngṭha cu, na ti a hal, na dang a car i tikik na vun din bantuk khi a si.

ROM 15:32

Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

2 KORIN 7:13

Cucaah cun pei kan hna a ngam cu. Kan hnangam lawng a si lo. Titas nan rak lawmhternak nih khan a kan lawmhter ve.

KOLOSE 4:8

Cucaah nannih cu kanmah kong kha chimh awk le nan lung in ṭhatter hna seh ti ka duh caah amah cu nan sinah ka rak thlah.

1THESALON 5:12

U le nau hna, Pathian nih nanmah hruaitu ding le cawnpiaktu dingah a thimmi nan lak i rian a ṭuanmi hna kha upat hna u.

FILEMON 1:20

Cucaah ka nau, Bawipa ruangah, hi thilte hi cu rak ka tuahpiak ko; Khrih chung i unau pakhat bantukin ka lung ka lawmhter ko.

FILEMON 1:7

Ka dawtmi ka nau, dawtnak na ngeihmi nih ka lung a ka lawmhter ngaingai i lungṭhawnnak tampi a ka pek. Pathian mi vialte cu an lung na lawmhter dih ko hna.

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

3 JOHAN 1:4

Ka fale biatak chungah khua an sa, ti thawng hlei in a ka lawmhter deuhtu zeihmanh a um ti lo.