1 KORIN 15:9 - Lai (Hakha) Common Language Bible 2006

⁹ zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

Laibaibal Thiang (BSI)

⁹ Zeitintiah kei cu lamkaltu lakah a hmebik, Pathian kawhhran hna ka serhsat ruangah lamkaltu ti awk hmanh ah kâ tlâk lo.

1 KORIN 15:9 ပူးပေါင်းရင်းမြစ်များ

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

2 KORIN 11:5

Hi hna ko hi pei lamkaltu taktak cu an si cu, nan timi hna nakkhan tlawmte hmanh kan niam deuhnak a um tiah ka ruat lo.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

GALATI 1:13

Judah biaknak ka rak ṭanh lioah khan, zeitindah ka umtuning a rak si kha nan theih cangmi a si ko, Pathian Khrihfabu kha ka rak hrem hna i hrawh awkah fak piin ka rak i zuam.

GALATI 1:23

Midang nih, “A rak kan hremtu nih khan atu cu hrawh a rak i zuammi phung kha a ṭanh i a chim lengmang,” an ti lawng kha an theih i

FILIPI 3:6

ka ṭan tuk leiah khrihfabu kha ka hrem. Nawlbia chung thil zulh in din ti ahcun soi awk um lo ka si.