1 KORIN 15:57 - Lai (Hakha) Common Language Bible 2006

⁵⁷ Asinain kan Bawipa Jesuh Khrih thawngin teinak a kan petu Pathian cu thangṭhat si ko seh.

Laibaibal Thiang (BSI)

⁵⁷ Asinain kan Bawipa Jesuh Krih thawngin teinâk a kan petu Pathian sinah lawmhnâk bia um ko seh.

1 KORIN 15:57 ပူးပေါင်းရင်းမြစ်များ

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

1 CHANRELNAK 22:11

Cucaah ka fapa, nangmah kong ah a chimmi bia bangin Bawipa na Pathian ca i inn saknak ah cun na hlawhtlin nakhnga, Bawipa cu na sinah um ko seh.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

PHUNGTHLÛKBIA 21:31

Raltuknak ni caah rangtum cu timh a si, Sihmanhsehlaw teinak cu Bawipa sinin a rami a si.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 27:35

Hi bia a chim dih in Paul nih cun rawl kha aa lak i an hmaika ah cun Pathian sinah thla a cam hnuah a ei.

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

2 KORIN 1:11

Nannih nih nan thlacamnak in nan kan bawmh caah, a kan khamh ṭhan ko lai ti zong kha kan i ruahchan. Cucaah cun kan ca i thla tampi nan cammi cu Pathian nih an leh hna lai i thluachuahnak a kan pek lai; cun kanmah ruangah mi tampi nih Pathian cu lawmhnak in an thangṭhat lai.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

2 KORIN 9:15

A sung tukmi a laksawng caah hin Pathian cu lawm ko u sih.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 21:4

An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti.