1 KORIN 15:52 - Lai (Hakha) Common Language Bible 2006

⁵² muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

Laibaibal Thiang (BSI)

⁵² muko hmadung bik an tumtikah, chikkhat teah, mitṭhep kar ah thlen kan si dih lai. Zeitintiah muko cu an tum hrimhrim lai. Cuticun mithi hna cu thu kho tilo dingin thawhter an si lai i kan nih zong thlen kan si lai.

1 KORIN 15:52 ပူးပေါင်းရင်းမြစ်များ

SALM 73:19

Chikkhatte ah an rawk i an donghnak cu ṭihnung ngaingai a si.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EXODUS 33:5

Bawipa nih Moses cu, “Israel mi cu, ‘Nannih cu milungṭhawng nan si. Nan sinah tlawmte hmanh ka kal ahcun kan hrawh dih sual hna lai. Cucaah nan hlawn kha i phoih u law cu tikah nan cung i ka tuah khawhmi kha zeidah a si ti kha ka hngalh lai,’ a ti tiah chim hna,” a ti.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

EZEKIEL 33:3

Cu pa nih cun ral kha an rat a hmuh i ralrin peknak caah a muko kha a tum i

EZEKIEL 33:6

Sihmanhsehlaw ralvengtu nih ral an rat a hmu nain a muko kha tum lo in zapi kha ralrinnak a pek hna lo ahcun, thahmi paoh kha an sualnak pi he thah chih an si ko lai; sihmanhsehlaw kha hna an thih ruangah khan ralvengtu kha mawhchiat a si lai, a ti.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

NAMBAR 10:4

Sihmanhsehlaw pakhat lawng an tum ahcun, hruaitu hna, Israel phun i an lu hna kha nangmah sinah an i pum lai.

NAMBAR 16:21

“Hi aa pummi hna sin hin i ṭhen u, chikkhatte ah ka khangh dih khawh hna nakhnga,” tiah a ti.

NAMBAR 16:45

“Hi mibu chung hin va chuak tuah u, chikkhatte ah ka khangh dih hna nakhnga,” tiah a ti. Cun an bawk.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

JOHAN 5:25

Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

JOHAN 5:28

Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

1 KORIN 15:42

Mithi cu nunnak i thawhter an si tikah cun hitihin a si lai: Pum cu vui a si tikah a thi khomi a si; thawhter a si tikah cun a thi kho ti lomi a si lai.

1 KORIN 15:50

Ka u le ka nau hna, ka chim duhmi cu hihi a si: thi le sa nih cun Pathian Pennak cu a co kho lai lo, cun a thi khomi nih hin thih khawh lonak cu a co kho ve lai lo.

1THESALON 4:15

Zeicahtiah kan in chimhmi hna hi Bawipa nih a kan cawnpiakmi a si: Bawipa a rat ni ah kannih a nungmi hna nih hin a thimi kha kan chawhkanh hna lai lo.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

BIAPHUAN 8:13

Cun khua ka hun zoh i vanlai ah sang piin a zuangmi mupi pakhat nih aw fakpi i, “Ṭih a va nung thiam dah! Ṭih a va nung thiam dah! A dang vanmi pathum hna nih an muko an tum ve tikah vawlei mi vialte hna caah zeitluk riamruam in dik ṭih a nun lai!” a ti.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.