1 KORIN 15:47 - Lai (Hakha) Common Language Bible 2006

⁴⁷ Adam pakhatnak cu vawlei dip in sermi a si, Adam pahnihnak tu cu vancung in a rami a si.

Laibaibal Thiang (BSI)

⁴⁷ Minung hmaisa bik cu vawlei, leidip i ser a si i pahnihnâk Minung cu vanlei mi Bawipa a si.

1 KORIN 15:47 ပူးပေါင်းရင်းမြစ်များ

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

JOHAN 3:31

Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um.

JOHAN 6:33

Zeicahtiah Pathian pekmi changreu cu vancung in a run thlahmi hi a si i amah nih cun vawlei hi nunnak kha a pek,” tiah a ti hna.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

1 KORIN 15:45

Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

1 KORIN 15:46

A um hmasami cu thlarau pum kha si loin vawlei pum kha a si deuh, vawlei pum hnuah khan thlarau pum cu a ra.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.