1 KORIN 15:42 - Lai (Hakha) Common Language Bible 2006

⁴² Mithi cu nunnak i thawhter an si tikah cun hitihin a si lai: Pum cu vui a si tikah a thi khomi a si; thawhter a si tikah cun a thi kho ti lomi a si lai.

Laibaibal Thiang (BSI)

⁴² Cubangin mithi thawhṭhannâk zong a si. Thu kho i tuh in a um i thu kho loin thawhter a si.

1 KORIN 15:42 ပူးပေါင်းရင်းမြစ်များ

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

JOB 17:14

Thlan cu, ka pa na si, ka ti lai i A ka eitu rungrul cu, ka nu le ka far nan si, ka ti hna lai.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

SALM 49:9

thlan chungin a luattertu le zungzal in a nuntertu ah a zaa bal lai lo.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

LAMKALTU 2:27

Mithikhua ah khan ka thlarau cu na kaltak lai lo caah Ruahchannak ngei in hnangam tein ka um ko lai. Nangmah an tlaihchanmi na sal cu ṭhutnak kha na hmuhter lai lo.

LAMKALTU 2:31

David nih cun Pathian nih zeidah a tuah lai ti kha a rak hmuh i cu caah, ‘Amah cu mithikhua ah a kaltak lo, a titsa cu thutnak a hmu lo,’ tiah a rak ti tikah hin, Messiah a thawh ṭhan lainak kong kha a chimmi cu a si.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 8:21

Cu ruahchannak cu zeidah a si tiah, ni khatkhat cu sermi thil vialte hi thutnak sal sinak khan luatter an si lai i Pathian fale hna luatnak a sunglawimi kha an i hrawm te lai.

1 KORIN 15:41

Ni nih amah dawhnak te a ngei i thlapa zong nih amah dawhnak te a ngei ve; cun arfi nih khin dawhnak dang tete an ngei i arfi lak hmanh ahcun dawhnak a phunphun an um.

GALATI 6:8

A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.