1 KORIN 15:32 - Lai (Hakha) Common Language Bible 2006

³² Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

Laibaibal Thiang (BSI)

³² Efesa khua i sahrang hna kha minung phungin ka doh ahcun ka caah zeidah a ṭhahnem hnga? Mithi hna an thawhṭan lo ding ahcun, “Ra u, ei in ding hna u sih, thaizing ah pei kan thih ko lai cu.”

1 KORIN 15:32 ပူးပေါင်းရင်းမြစ်များ

SALM 73:13

A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

LUKA 9:25

Mi pakhatkhat nih vawlei hi a dihlak in co seh law amah cu lotlau ṭung seh law, asiloah rawkral ṭung seh law, zeital a miak hnga maw? Miak hlah.

LAMKALTU 18:19

Efesa khua kha an phan i khika ah Paul nih khan Prisilla le Akuila kha a kaltak hna. Pumhnak inn chungah khan a lut i Judah mi kha bia a chimh hna.

LAMKALTU 18:21

Efesa khua in a chuahpah ah cun a thawh hna i, “Pathian hnatla a si ahcun, nan sinah ka ra kir ṭhan lai,” tiah a ti hna.

LAMKALTU 19:1

Apollo kha Korinth khua i a um lioah Paul cu kha peng chungah khan khual a tlawng i Efesa khua kha a phan. Khika ah zultu tlawmpal kha a va hmuh hna i

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

1 KORIN 16:8

Asinain Efesa khua ah hin Pentekos ni tiang ka um lai.

GALATI 3:15

Ka u le ka nau hna, nifate i kan ton lengmangmi thil pakhat tahchunhnak ah ka hman tuah lai: mi pahnih nih biakamnak an tuah tikah cu biakamnak cu pakhat lawng nih an hrawk kho in an chap kho lo.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

JUDAS 1:10

Sihmanhsehlaw hi mi hna nih hin cun an hngalh lomi thil paoh kha zeirello in an um; cun saram bantukin chuahpimi pumsa duhnak in an hngalhmi kha anmah a hrawktu hna thil cu an si.