1 KORIN 14:39 - Lai (Hakha) Common Language Bible 2006

³⁹ A tawinak in, ka u le ka nau hna, Pathian bia chim kha duh u; holhtheihlo holh kha thlauh hna hlah u,

Laibaibal Thiang (BSI)

³⁹ Cucaah ule nau hna, biaphuangtu si hi duh ulaw, holh dangdang biachim zong dawn hlah u.

1 KORIN 14:39 ပူးပေါင်းရင်းမြစ်များ

1 KORIN 12:31

Cucaah laksawng biapi deuh a simi hna tu kha nan i tinh awk a si. Cun cu hna lak hmanh ah a ṭha bik cu atu i ka hun chim dingmi hi a si:

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 KORIN 14:1

Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.

1 KORIN 14:3

Asinain Pathian bia a chimtu nih cun minung sin tu ah khan a chim i bawmhnak le lungṭhawnnak le hnangamnak kha a pek hna.

1 KORIN 14:38

Asinain hihi zei i a rel lo ahcun, amah zong kha zei ah rel ve hlah u.

1 KORIN 14:5

Nan dihlak in holhtheihlo i holh cu kan duhpiakmi hna zong a si ko hnga, sihmanhsehlaw kan duhpiak deuhmi hna cu Pathian bia chim khawhnak laksawng kha ngei u ti hi a si. Zeicahtiah Pathian bia a chimmi cu holhtheihlo in a holhmi nakcun a ṭhahnem deuh suaumau. Khrihfabu nih an ṭhathnempi khawh nakhnga caah a let khotu an um ṭung lo ahcun holh theih lo cu zeihmanh a ṭhahnem lo.

1THESALON 5:20

phungchim kha zeirello in um hlah u.