1 KORIN 14:26 - Lai (Hakha) Common Language Bible 2006

²⁶ Cucaah ka u le ka nau hna, ka chim duhmi cu hihi a si: Pathian biak awk i nan i pumh tikah pakhat nih hla thawh awk nan ngei ko lai, pakhat nih cawnpiak awk nan ngei ko lai, pakhat nih Pathian nih a sinah a phuanmi bia chim awk nan ngei ko lai, pakhat nih holhtheihlo in phung chim ding nan ngei ko lai i pakhat nih cu holhtheihlo a sullam leh khawhnak cu nan ngei ko lai. Cu vialte cu a zeipaoh hmanh kha, khrihfabu ṭhathnemnak ding caah tuah si hna seh.

Laibaibal Thiang (BSI)

²⁶ Unau hna zeitindah a si rih lai? Nan i pumh tikah mikip nih thangṭhatnâk hla siseh, cawnpiaknâk siseh, holh dang siseh, langhnâk siseh, holh lehnâk siseh, nan ngeih tikah thil vialte hi ṭhathnemnâk ah tuah dih si hna seh.

1 KORIN 14:26 ပူးပေါင်းရင်းမြစ်များ

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

ROM 12:7

midang ca rianṭuan kha a si ahcun, cuticun kan ṭuan awk a si; cawnpiak kha a si ahcun kan cawnpiak hna awk a si;

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

ROM 15:2

Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.

1 KORIN 14:15

Cucaah zeitindah ka tuah awk a si lai? Ka thlarau in thla ka cam lai i ka lungthin zongin ka cam fawn lai; ka thlarau in hla ka sa lai i ka lungthin zongin ka sak fawn lai.

1 KORIN 14:2

Holhtheihlo in a holhmi cu minung sinah si loin Pathian sinah bia a chim a si, zeicahtiah ahohmanh nih a chimmi kha a sullam an hngal lo. Thlarau nih khan cu ti bia chim khawhnak cu a pek cu a pek ko lai, sihmanhsehlaw a chimmi cu hngalh lomi thil a si.

1 KORIN 14:27

Holhtheihlo in holh a duhmi an um ahcun, a tam bik ah pahnih pathum tiang nih chim hna seh law a chaan in i chaang hna seh, cun a lettu an um hrimhrim lai.

1 KORIN 14:40

asinain zei paohpaoh kha dawhte le ningcang tein tuah hna u.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

2 KORIN 13:10

Hi ruangah hin a langhlat in ca kan kuat hna hi a si. Ka duhnak cu nan sin ka phak tikah Bawipa nih a ka pekmi nawlngeihnak kha hraang ngaiin hman herh hlah ning ti hi a si — cu nawlngeihnak cu nanmah ṭhehnak nawlngeihnak si loin nanmah saknak nawlngeihnak tu a si deuh.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.