1 KORIN 14:16 - Lai (Hakha) Common Language Bible 2006

¹⁶ Pathian sinah thlarau lawngin lawmhnak bia cu na chim ahcun, zeitindah pumhnak i a um vemi mi sawhsawh hna nih khan lawmhnak bia na chimnak ah cun Amen an rak in tipi khawh lai? Na chimmi cu a sullam zeihmanh an hngalh ṭung lo.

Laibaibal Thiang (BSI)

¹⁶ Culoahcun thlarau in thluachuah pe hmanh law, na chimmi zong a theihthiam lo i theithiamlonâk nih hmunhma a lang peng ko ahcun zeitindah lawmhnâk bia na chimmi ah, ‘Amen’ an pêk khawh lai.

1 KORIN 14:16 ပူးပေါင်းရင်းမြစ်များ

1 SIANGPAHRANG 1:36

Cun Jehoiada fapa Benaiah nih khan siangpahrang cu a leh i, “Amen! Bawipa, siangpahrang ka bawipa i Pathian nih cun cu bantukin chim ve ko seh.

1 CHANRELNAK 16:36

Bawipa, Israel Pathian cu, zungzal in zungzal tiang thangṭhat si ko seh!” ti tuah u. Cun mi vialte nih, “Amen!” tiah an ti. Bawipa kha an thangṭhat.

NEHEMIAH 5:13

Ka puan zong kha ka thin i. “Hi biakamnak a tuah lomi paoh cu hi bantukin an inn cio le an rian cio in Pathian nih thing ko hna seh. Cu bang cun thin si ko hna seh law, lawngkarao in chiah si ko hna seh,” ka ti. Cun aa pummi vialte nih, “Amen,” an ti i Bawipa kha an thangṭhat. Cun mi nih bia an i kam bangkhan an tuah.

NEHEMIAH 8:6

Cun Ezra nih Bawipa a liannganmi Pathian cu a thangṭhat i mi vialte nih khan an kut an hler i, “Amen, Amen,” tiah an ti i an lu an khun i vawlei kha zoh in Bawipa kha an biak.

SALM 106:48

Bawipa Israel Pathian cu thangṭhat u sih; atu ah thangṭhat u sih law

SALM 41:13

Bawipa, Israel Pathian cu thangṭhat u sih! Atu le a zungzal in thangṭhat u sih? Amen! Amen!

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 89:52

Bawipa cu zungzal in thangṭhat si ko seh! Amen! Amen!

JEREMIAH 11:5

Cuticun nan pupa hna sinah, cawhnuk le khuaihliti in a luangmi ram kan pek hna lai, ti in bia ka rak kammi kha, ka tlinter lai; cu ram cu atu i nan comi ram hi a si, tiah a ti, tiin. Cun kei nih ka leh i, “Cu bantuk cun si ko seh Bawipa,” tiah ka ti.

JEREMIAH 28:6

“Cuticun hei si tak seh law dah ngai kaw! Bawipa nih cu bang cun tuah ko sawh seh; na chimmi na bia cu Bawipa nih tlinter hram ko seh law, hi hmun ah hin Babilon ram in Bawipa umkheng hna cu le saltang vialte hna kha kirter ṭhan hram ko hna seh!

NAMBAR 5:22

hi chiathrutnak a tlunhtu ti hi na paw chungah lut seh law, na pum cu phinter seh law, na phei cu tlonghter seh,’ tiah a ti lai. Cun minu nih cun, ‘Amen, Amen,’ a ti lai.

MATTHAI 15:36

Cun changreu hlum sarih le nga kha aa lak hna i Pathian sinah thla a cam i a cheu hna i a zultu kha a pek hna i a zultu nih mizapi kha an pek hna.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.] [9 Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. 10 Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]

JOHAN 21:25

Jesuh nih a tuahmi a dang tampi a um ko rih. An dihlak in pakhat hnu pakhat in ṭial si hna seh law, an ṭialnak cauk cu vawlei nih hin a tlum hna hnga lo, tiah ka ruah.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

1 KORIN 11:24

Pathian sinah thla a cam hnuah a cheu i, “Hihi ka pum a si, nanmah caah a si. Keimah philh lonak ah tuah u,” a ti.

1 KORIN 14:14

Cu bantuk holh cu ka thlacamnak i ka hman ahcun ka thlarau nih cun thla cu a cam taktak ko, sihmanhsehlaw ka lungthin cu, cu thlacamnak ah cun aa tel lo.

1 KORIN 14:2

Holhtheihlo in a holhmi cu minung sinah si loin Pathian sinah bia a chim a si, zeicahtiah ahohmanh nih a chimmi kha a sullam an hngal lo. Thlarau nih khan cu ti bia chim khawhnak cu a pek cu a pek ko lai, sihmanhsehlaw a chimmi cu hngalh lomi thil a si.

1 KORIN 16:24

Khrih Jesuh thawngin kan dawt hnanak cu, nan dihlak cungah um ko seh. Amen.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

BIAPHUAN 5:14

Saram nung pali hna nih khan, “Amen,” tiin an rak leh hna i upa hna cu an kun i an biak.

BIAPHUAN 7:12

“Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.