1 KORIN 14:1 - Lai (Hakha) Common Language Bible 2006

¹ Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.

Laibaibal Thiang (BSI)

¹ Dawtnâk hi dawi ulaw, thlarau lei thilpêk zong duh u, a hlei in biaphuankhawhnâk hi duh u.

1 KORIN 14:1 ပူးပေါင်းရင်းမြစ်များ

PHUNGTHLÛKBIA 15:9

Miṭhalo hna ziaza cu Bawipa caah fihnung a si, sihmanhsehlaw dinnak a kawlmi kha a dawt hna.

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

ROM 12:6

Cucaah laksawng phun dangdang kan hmuh ciomi cu Pathian nih a kan pekmi vel kan hmuh ning cio ah hmang hna u sih. Laksawng kan hmuhmi cu Pathian bia chim thiamnak a si ahcun, zumhnak kan ngeihmi ning khan kan hman awk a si;

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

ROM 9:30

A si ahcun zeitindah kan chim kun lai? Hitihin kan ti lai: Pathian he rem a rak i zuam lomi Jentail mi kha an zumhnak thawngin Pathian he an i rem cang;

1 KORIN 12:1

Thiang Thlarau sinin kan hmuhmi laksawng kong ah hngalhter kan duhmi hna a um.

1 KORIN 12:31

Cucaah laksawng biapi deuh a simi hna tu kha nan i tinh awk a si. Cun cu hna lak hmanh ah a ṭha bik cu atu i ka hun chim dingmi hi a si:

1 KORIN 13:13

A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 KORIN 14:22

Cucaah cun holhtheihlo in holh cu Pathian a zummi hna caah si loin a zum lomi hna ca i hmelchunhnak a si i Pathian bia holhtheih in chim cu a zum lomi hna caah si loin a zummi hna ca i hmelchunhnak a si.

1 KORIN 14:37

Ahohmanh nih Pathian lamkaltu ka si tiin aa ruah ah siseh, thlarau laksawng ngeimi ka si tiin aa ruah ah siseh, a hngalh awk cu, nan sin i ka ṭialmi hi Bawipa nawlbia a si, ti kha a si.

1 KORIN 14:39

A tawinak in, ka u le ka nau hna, Pathian bia chim kha duh u; holhtheihlo holh kha thlauh hna hlah u,

1 KORIN 16:14

Nan tuahmi thil paohpaoh kha dawtnak in va tuah u.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

1THESALON 5:20

phungchim kha zeirello in um hlah u.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.