1 KORIN 13:2 - Lai (Hakha) Common Language Bible 2006

² Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

Laibaibal Thiang (BSI)

² Biaphuan thilpêk co in, bia thli hna le hngalhnâk vialte ngei in, tlângṭhial khawhnâk zumhnâk vialte ngei hmanh ninglaw dawtnâk ka ngeih lo ahcun pakpalawng ka si lai.

1 KORIN 13:2 ပူးပေါင်းရင်းမြစ်များ

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 15:14

Ka u le ka nau hna, Keimah hrimhrim nih ṭhatnak le hngalhnak in nan khat i nan i cawnpiak kho ko ti kha fiang tein ka hngalh.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

1 KORIN 11:4

Cucaah zapi hmai i thlacam tik le biachim tik i a lu aa khuhmi pa nih cun Khrih cungah khan ningzahnak a tlunter a si i

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

1 KORIN 13:1

Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko.

1 KORIN 13:3

Ka ngeihmi thil vialte, mi ka hei ṭhenh dih ko hna hnga, cun ka pum hmanh khangh awkah ka vaa pe ko hnga, sihmanhsehlaw dawtnak ka ngeih lo ahcun ka caah ṭhathnemnak zeihmanh a um lo.

1 KORIN 13:8

Dawtnak cu dongh a thiam lo. Profet biachimnak cu um hmanh seh law cucu a dih lai. Holhtheihlo a um maw? Cucu a dong lai. Hngalhnak kan ngeihmi zong a dih lai.

1 KORIN 14:29

Cun Pathian bia chim awk a ngeimi, pahnih pathum nih chim hna seh law a dang nih khan an chimmi cu a ṭhat ṭhat lo tuaktan hna seh.

1 KORIN 14:39

A tawinak in, ka u le ka nau hna, Pathian bia chim kha duh u; holhtheihlo holh kha thlauh hna hlah u,

1 KORIN 14:4

Holhtheihlo in a holhmipa cu amah le amah lawng kha aa bawm, sihmanhsehlaw Pathian bia a chimmi nih cun khrihfabu kha a ning piin a bawmh.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

1 KORIN 16:22

Bawipa a daw lomi cu an cungah chiat si ko seh. Maranatha — Kan Bawipa, ra cang ko!

1 KORIN 4:1

Kannih cu Khrih sal, Pathian biathli kengtu ah khan nan kan ruah awk a si.

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

GALATI 5:16

Ka chim duhmi cu hihi a si: Thlarau nih nan nunning kha lamhruai seh law nan minung sinak duhning kha zul hlah u.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

EFESA 3:4

ka ṭialmi kha nan rel ahcun Khrih biathli ka hngalhnak kha nan hngalh khawh lai.)

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

KOLOSE 1:26

cu a bia cu, kan hnulei chan chung vialte Pathian nih a thuh i atu i a mi hna sin i a phuanmi hi a si.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

1JOHAN 4:8

Pakhat le pakhat aa daw lomi nih cun Pathian kha an hngal lo, zeicahtiah Pathian cu dawtnak a si.