1 KORIN 12:7 - Lai (Hakha) Common Language Bible 2006

⁷ Thlarau kan chung i a um kha phun khatkhat in a lang cio i cucu kan dihlak ca i ṭhatnak ding caah khan a si.

Laibaibal Thiang (BSI)

⁷ Asinain Thlarau hngalhternâk cu mi vialte ṭhatnâk ding caah mikip sinah pêk a si:

1 KORIN 12:7 ပူးပေါင်းရင်းမြစ်များ

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

1 KORIN 14:12

Thlarau laksawng hmuh a duh ngaingaimi nan si kha ka hngalh, cucaah zeidang zeidang nakin khrihfabupi a ṭhanchotertu ding laksawng kha duh khun u tiah kan duh hna.

1 KORIN 14:17

Cucaah Pathian sin i lawmhnak in thla na cam cu a ṭha ko lai nain midang cu zeihmanh a ṭhathnem hna lo cu ta!

1 KORIN 14:19

Sihmanhsehlaw pumhnak ah cun midang cawnpiaknak ding caah, holhtheihlo in bia thong hra chim nakin theihmi holh in bia fang nga ka chim deuh lai.

1 KORIN 14:5

Nan dihlak in holhtheihlo i holh cu kan duhpiakmi hna zong a si ko hnga, sihmanhsehlaw kan duhpiak deuhmi hna cu Pathian bia chim khawhnak laksawng kha ngei u ti hi a si. Zeicahtiah Pathian bia a chimmi cu holhtheihlo in a holhmi nakcun a ṭhahnem deuh suaumau. Khrihfabu nih an ṭhathnempi khawh nakhnga caah a let khotu an um ṭung lo ahcun holh theih lo cu zeihmanh a ṭhahnem lo.