1 KORIN 12:6 - Lai (Hakha) Common Language Bible 2006

⁶ Rian ṭuan khawhnak hi a phunphun in a um, sihmanhsehlaw cu bantuk ṭuan khawhnak a petu hna cu Pathian ṭhiamṭhiam kha a si ko.

Laibaibal Thiang (BSI)

⁶ Cun rian ṭuanning a phunphun a um, asinain zeizong vialte i rianṭuantu Pathian cu â khat ko.

1 KORIN 12:6 ပူးပေါင်းရင်းမြစ်များ

JOB 33:29

Hi thil vialte hi Pathian nih minung cungah a tuah lengmang tawn ko,

JOHAN 5:17

Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.

1 KORIN 12:11

Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

1 KORIN 12:5

Rian ṭuan hi a ning tampi a um, sihmanhsehlaw a rian kan ṭuanmi cu Bawipa ṭhiamṭhiam kha a si ko.

1 KORIN 15:28

Zeizong vialte cu Khrih uknak tang i chiah an si dih tikah Fapa zong nih cun zeizong vialte a tang i a chia dihtu Pathian tangah cun aa chia lai i Pathian nih cun zeizong vialte kha a uk dih cikcek hna lai.

1 KORIN 3:7

A ci a tuhtu le ti a toihtu thamtham cu biapi an si ṭung lo. Pathian kha pei biapi cu a si cu, zeicahtiah amah nih khan pei a ṭhanter cu.

EFESA 4:6

Pathian cu pakhat lawng a si i amah cu mi vialte Pa, zeizong vialte Bawi, zeizong vialte chungah rian a ṭuan i zeizong vialte chungah a ummi a si.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.