1 KORIN 12:27 - Lai (Hakha) Common Language Bible 2006

²⁷ Cucaah nannih cu nan dihlak in Khrih pum kha nan si i pumpak cio ah a nge kha nan si.

Laibaibal Thiang (BSI)

²⁷ Cubangin nannih hi Krih pum cu nan si i pumpâk cio hi a nge cu nan si.

1 KORIN 12:27 ပူးပေါင်းရင်းမြစ်များ

ROM 12:5

Cu bantuk cun, kannih zong hi mi tampi kan si nain Khrih he kan i pehtlaihnak thawngin pum khat kan si i pum nge dangdang cu pakhat le pakhat an i pehtlaih dih bantukin kannih zong pakhat le pakhat kan i pehtlai dih ve.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 10:17

Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

1 KORIN 6:15

Nan pum cu Khrih pum a ṭengnge a si kha nan hngalh. Khrih pum a ṭengnge cu i lak riangmang in hlawhhlangnu pum a ṭengnge ah cun ka ser hnga maw? Naisai hlah!

EFESA 1:23

Khrihfabu hi Khrih pum cu a si, Khrih nih zeizong vialte kha a tlinter i amah Khrih hrimhrim a tlinnak cu a pum ah cun a si.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 5:23

Khrih nih khrihfabu cungah nawl a ngeih bantukin vale zong nih an nupile cungah nawl an ngei ve. Khrih hrimhrim cu khrihfabu Khamhtu a si i khrihfabu cu a pum kha a si.

EFESA 5:30

kannih cu a pum nge cu kan si).

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.