1 KORIN 12:25 - Lai (Hakha) Common Language Bible 2006

²⁵ Cucaah pum chungah cun i ṭhennak a um lo, a nge dangdang hna nih khan pakhat le pakhat zawn i ruahnak an ngei cio.

Laibaibal Thiang (BSI)

²⁵ pum hi i ṭhen loin nge dangdang hna he pakhat le pakhat an i zohkhenh awk a si.

1 KORIN 12:25 ပူးပေါင်းရင်းမြစ်များ

1 KORIN 12:24

aa dawh set lomi kha pei ṭha khun in kan thuamh hna cu. Kan pum aa dawhnak zawn nih cun ṭamh zong cu an herh ṭung lo. Pum cung i hmaizahnak kan baunak zawn nih khan hmaizahnak a hmuh khun nakhnga Pathian nih cuticun a tuah.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

1 KORIN 3:3

hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 KORIN 7:12

Cucaah kha ca kha kan kua ko hna nain, sualnak a tuahtupa le a cungah sualnak tuah a simipa kong kha biapi bik in ka ruahmi an si lo. Kaa tinhmi cu, zeitluk in dah nan ka ṭanh ti kha Pathian mithmuh i nan sin i fianter kha a si.

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.