1 KORIN 12:11 - Lai (Hakha) Common Language Bible 2006

¹¹ Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

Laibaibal Thiang (BSI)

¹¹ Asinain cu vialte cu Thlarau pakhat le â khatmi chungin mikip sinah a duh ningin a ṭuanmi a si.

1 KORIN 12:11 ပူးပေါင်းရင်းမြစ်များ

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

MATTHAI 11:26

Asi, ka Pa, cucu nangmah nih siseh ti na duhningte a si.

MATTHAI 20:15

Keimah tangka cu keimah nih ka duhduh in hman awk a si ko lo maw? Zeicahdah mi ka zaangfah hna hi nan hnah a chuah?’ tiah a ti.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

JOHAN 3:8

Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.

JOHAN 5:21

Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai.

ROM 12:6

Cucaah laksawng phun dangdang kan hmuh ciomi cu Pathian nih a kan pekmi vel kan hmuh ning cio ah hmang hna u sih. Laksawng kan hmuhmi cu Pathian bia chim thiamnak a si ahcun, zumhnak kan ngeihmi ning khan kan hman awk a si;

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

1 KORIN 12:18

Sihmanhsehlaw atu i a sining bantukte hin, Pathian nih amah duhning tein, anmahle an um nakhnga ding cio ah khan a chiah hna.

1 KORIN 12:4

Thlarau laksawng hi a phunphun in a um, sihmanhsehlaw cu laksawng vialte a petu hna cu Thlarau ṭhiamṭhiam kha a si.

1 KORIN 12:6

Rian ṭuan khawhnak hi a phunphun in a um, sihmanhsehlaw cu bantuk ṭuan khawhnak a petu hna cu Pathian ṭhiamṭhiam kha a si ko.

1 KORIN 7:17

Ahohmanh Pathian nih laksawng an pek hna ning le Pathian nih an auh hna i nan sining cio khan um ko u. Hihi khrihfabu kip ah ka cawnpiakmi hna a si.

1 KORIN 7:7

A taktak ti ahcun, keimah bantuk hin um dih u law ka duh deuh; sihmanhsehlaw Pathian nih a kan pekmi laksawng kan hmuhmi cu an i dang dih cio.

2 KORIN 10:13

Kannih tu cu kan i porhlawtnak kha a hlei a hluat a phanh sual lai kha kan duh lo caah Pathian nih a kan chiahpiakmi rian ramri chung lawngah khan kan um lai i cu rian chungah cun nanmah lak i kan ṭuanmi zong hi aa tel.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 4:7

Khrih nih a kan pekmi laksawng tampi chungin kan dihlak in kan i tlakning cio in laksawng pek kan si.

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.