1 KORIN 11:27 - Lai (Hakha) Common Language Bible 2006

²⁷ Cu bantuk ve in Bawipa thangchiatnak dingin a chang cu nan ei i a hrai cu nan din ahcun, cu bantukin a tuahmi paoh cu Bawipa pum le thi cung i sualnak a tuahmi nan si.

Laibaibal Thiang (BSI)

²⁷ Cucaah mizei pauh, ei awk â tlaklo buin changreu cu a ei i Bawipa hrai a dingtu pauh cu Bawipa taksa le thisen ah thiam lo a co lai.

1 KORIN 11:27 ပူးပေါင်းရင်းမြစ်များ

NAMBAR 9:10

“Israel mi cu va chim hna, nannih lak i mi pakhatkhat maw, nan tefa hna lak i pakhatkhat cu, miruak tawnghnak in a thur ahcun khual lam hla a tlawn ah maw, Bawipa sin lanhtak puai cu a ulh ṭhiamṭhiam ko lai.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

MATTHAI 22:11

“An sawmmi hna va zoh awkah khan siangpahrang cu a vung lut i nupi ṭhitnak puan aa aih lo mi pakhat a hmuh.

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

1 KORIN 11:29

Zeicahtiah chang kha a ei i hrai in a din tikah Bawipa pum sullam kha a hngalh lo ahcun a ei a din ah khan biaceihnak aa ei aa din chih.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.