1 KORIN 10:23 - Lai (Hakha) Common Language Bible 2006

²³ “Zeipaoh kan tuah khawh ko,” an ti. Asi, an tuah khawh ko, sihmanhsehlaw zeipaoh hi an ṭha dih lo. “Zeipaoh kan tuah khawh ko,” asinain zeipaoh hi kan caah an ṭhahnem dih lo.

Laibaibal Thiang (BSI)

²³ Thil vialte ka caah a thiang nain, santlaimi an si dih theng lo. Thil vialte ka caah an thiang dih nain ka caah ṭhatnâk an si dih theng lo.

1 KORIN 10:23 ပူးပေါင်းရင်းမြစ်များ

ROM 14:15

Zeilo na ei ruangah na unau kha a lung na fahter ahcun, cu na tuahmi cu dawtnak chungin a chuakmi tuahnak a si ti lo. Na eimi rawl cu Khrih nih a thihhnawhmipa rawhnak ah canter hlah.

1 KORIN 14:12

Thlarau laksawng hmuh a duh ngaingaimi nan si kha ka hngalh, cucaah zeidang zeidang nakin khrihfabupi a ṭhanchotertu ding laksawng kha duh khun u tiah kan duh hna.

1 KORIN 14:17

Cucaah Pathian sin i lawmhnak in thla na cam cu a ṭha ko lai nain midang cu zeihmanh a ṭhathnem hna lo cu ta!

1 KORIN 14:26

Cucaah ka u le ka nau hna, ka chim duhmi cu hihi a si: Pathian biak awk i nan i pumh tikah pakhat nih hla thawh awk nan ngei ko lai, pakhat nih cawnpiak awk nan ngei ko lai, pakhat nih Pathian nih a sinah a phuanmi bia chim awk nan ngei ko lai, pakhat nih holhtheihlo in phung chim ding nan ngei ko lai i pakhat nih cu holhtheihlo a sullam leh khawhnak cu nan ngei ko lai. Cu vialte cu a zeipaoh hmanh kha, khrihfabu ṭhathnemnak ding caah tuah si hna seh.

1 KORIN 6:12

Mi cheu nih nan i thawh lai i, “Kei cu zeipaoh tuah onh ka si ko,” nan ti. Asi, zeipaoh tuah onh na si ko lai, sihmanhsehlaw zeipaoh kha na caah a ṭha dih lo. Kei zong nih, “Zeipaoh tuah onh ka si,” ka ti khawh ve, sihmanhsehlaw zeihmanh kaa salter lai lo.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

1 KORIN 8:9

Asinain ralring te tu in um u law nan luatnak kha zumhnak a dermi sualnak chung i a tlaktertu siter sual hlah u.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.