1 KORIN 10:13 - Lai (Hakha) Common Language Bible 2006

¹³ Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

Laibaibal Thiang (BSI)

¹³ Minih anton tawnmi tukforhnâk dah tilo cu tukforhnâk nan cungah a tlung lai lo. Pathian cu zumhtlâk a si. Nan tuar khawh lengin tukforhnâk nan cungah tlunter a siang lai lo. Nan tuar khawh nâkhnga tukforhnâk chungin himnâk lam an ser piak hna lai.

1 KORIN 10:13 ပူးပေါင်းရင်းမြစ်များ

SALM 124:7

Rap chiahtupa rap in a luatmi va bantukin kan luat; rap cu a hrawh i kannih cu kan luat.

SALM 125:3

Pathian mi hna ram cu miṭhalo nih an uk zungzal lai lo, an uk ahcun, Pathian mi hna hrimhrim hmanh nih khan, ṭhat lonak an tuah sual hnga.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

SALM 89:33

Sihmanhsehlaw David dawt kha cu ka ngol lai lo, bia ka kamhmi zong kha ka tlolh lai lo.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

JEREMIAH 12:5

Cun Bawipa nih Jeremiah cu a thawh i, Mi he tlik nan i zuam hmanh i na bat a si ahcun, Zeitindah rangtum cu na zuam khawh hna lai? A fawinak ram ah na rilh ahcun, Zeitindah Jordan kuam ramhnok lakah cun naa tuah kun lai?

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

ṬAHNAK HLA 3:23

Zing fate in an thar lengmang, Zumhtlak a sinak cu a lianngan hringhran.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

HOSEA 2:20

Ka biakam kha ka zulh lai i nangmah cu keimah ta ah kan ser lai i nang zong nih na Bawipa ah na ka ser lai.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

LUKA 11:4

Kan cung i a sualmi hna kha kan ngaihthiam hna caah Kan sualnak kha kan ngaithiam. Cun a harmi hneksaknak kan phakter hlah,’ nan ti lai,” a ti.

LUKA 16:26

Cu pinah; kan karlak ah horkuang thukpi a um i cucaah hikalei in nangmah leiah tan a duhmi nih khan an tan kho lo i cu bantuk ṭhiamṭhiam in nangmah lei in kanmah leiah rat a duhmi zong an ra kho ve lo,” tiah a ti.

LUKA 22:46

Annih cu, “Zeicahdah nan i hngilh? Tukforhnak ah nan tlak nakhnga lo tho u law thlacam u,” a ti hna.

LAMKALTU 27:44

cun a taangmi pawl nih cun thingpheng zeilo ṭukṭak le lawng kuaimi pelpawi kha an i tlaih cio i an zulh hna. Cuticun kan dihlak in him tein titlang ah kan chuak.

1 KORIN 1:9

A Fapa Jesuh Khrih kan Bawipa he hawikomhnak ngeih awkah an kotu hna Pathian cu zumhawktlak a si ko.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

1THESALON 5:24

Nanmah an autu hna cu zumh awk tlak a si caah cucu a tuah lai.

2 THESALON 3:3

Bawipa cu zumh awk tlak a si ko. An ṭhawnter hna lai i Miṭhalo Pa sin khan him tein an umter ko hna lai.

2TIMOTE 4:18

Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

HEBRU 11:11

Abraham kha a tar tuk cang i Sarah kha fa ngei kho lo a si nain, Abraham cu hringtu pa ah a sertu cu zumhnak a si. Pathian nih khan a biakamnak cu a tuah ṭheo lai, ti kha a zumh.

HEBRU 12:4

Zeicahtiah sualnak nan dohnak ah hin thihnak tiang ngaingai cu nan ing rih lo.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

1 SAMUEL 29:10

Cucaah cun nangmah sinah a rami na bawipa i a sal hna he khan zingka tein tho law, cun zing tein i thawh u law khua a dei cangka tein kal u,” tiah a ti.