1 KORIN 10:1 - Lai (Hakha) Common Language Bible 2006

¹ Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

Laibaibal Thiang (BSI)

¹ Ule nau hna hihi nan hngalh lo ka duh lo, a kan hringtu vialte kha minmei tangah an um dih i an dihlak in rili zong an tan dih,

1 KORIN 10:1 ပူးပေါင်းရင်းမြစ်များ

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

SALM 66:6

Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

SALM 78:53

Him tein a kalpi hna i zeihmanh an ṭih lo, sihmanhsehlaw an ral hna cu rili nih a vui hna.

EXODUS 14:29

Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

NAMBAR 14:14

zeitintiah hi miphun hi annih lakin na chuahpimi an si. Annih nih, maw Bawipa, nang cu hi hna lakah na um kha an theih; zeitintiah maw Bawipa, nang cu hmaitonh tein an in hmuh i na minmei nih an cungah a dir i nangmah nih an hmaiah na kal, chun ah minmei tung in, cun zan ah mei alh tung in.

NAMBAR 33:8

Cun Hahiroth hmai cun an tho i rili cu an tan i ramlak ah cun an lut i Etham ramlak ah cun ni thum an kal i Marah ah an riak.

JOHAN 4:20

Kannih Samaria mi a kan hringsortu hna nih, hi tlang ah hin Pathian cu an rak biak, sihmanhsehlaw nannih Judah mi nih Pathian cu Jerusalem khua ah biak awk a si nan kan ti,” a ti.

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

ROM 11:21

Thingkung nge taktak bantuk a simi Judah mi cu Pathian nih a zuah hna lo ahcun nannih tah a kan zuah hlei hnga tiah nan i ruat maw?

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

1 KORIN 12:1

Thiang Thlarau sinin kan hmuhmi laksawng kong ah hngalhter kan duhmi hna a um.

1 KORIN 14:38

Asinain hihi zei i a rel lo ahcun, amah zong kha zei ah rel ve hlah u.

GALATI 3:29

Cucaah Khrih ta nan si ahcun Abraham tefa nan si i Pathian biakamning in rocotu nan si.

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

JOSHUA 4:23

Bawipa nan Pathian nih kan tan dih hlantiang kan caah a cartermi Rili Sen cungah a tuah bang khan, Jordan tiva ti cu nan tan dih hlantiang a carter,