1 KORIN 1:21 - Lai (Hakha) Common Language Bible 2006

²¹ Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

Laibaibal Thiang (BSI)

²¹ Zeitintiah vawlei fimnâk nih Pathian a hngalh khawhlo hnu ah, Pathian fimnâk hmangin, hruhbia hmang i phungchimnâk a zumtu hna khamh an si kha Pathian â lawm deuh.

1 KORIN 1:21 ပူးပေါင်းရင်းမြစ်များ

DANIEL 2:20

Fimnak le ṭhawnnak vialte cu a ta a si caah Pathian min cu chan khat hnu chan khat thangṭhat si ko seh.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

1 KORIN 1:18

Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 1:24

Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.

1 KORIN 1:25

Zeicahtiah Pathian hruhnak a si rua timi cu minung fimnak nakin a fim deuh ṭhiamṭhiam i Pathian dernak a si rua timi cu minung ṭhawnnak nakin a ṭhawng deuh ṭhiamṭhiam.

1 KORIN 1:27

Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.

1 KORIN 11:32

Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 6:2

Vawlei hi Pathian mi hna nih bia an ceih lai ti kha nan hngal lo hlah maw? Vawlei hmanh hi a bia a ceihtu ding nan si ahcun, thil hme tete cu nan ceih kho lo maw?

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

GALATI 4:8

Hlanah cun Pathian kha nan rak hngal lo, cucaah Pathian a si lomi thil sal kha nan rak si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

KOLOSE 1:19

Fapa nih Pathian sinak tlamtling tein a chungah a ngeih cu Pathian biakhiahnak thawngin a si.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

JEIM 5:15

Zumhnak in thla an camnak nih khan a zawmi kha a damter lai; Bawipa nih damnak kha a pek ṭhan lai i sualnak a tuahmi kha ngaihthiam a si lai.

JEIM 5:20

misual kha aa palhmi lam in a kirpi ṭhantu nih, cu misual mi thlarau cu thihnak in a khamh lai i sualnak tampi ngaihthiamnak a umter lai, ti kha va philh hlah u.