1 KORIN 1:14 - Lai (Hakha) Common Language Bible 2006

¹⁴ Vanṭhat ah, Krispas le Gaius dah ti lo cu ahohmanh tipilnak kan pekmi hna nan um lo.

Laibaibal Thiang (BSI)

¹⁴ Krispas le Gaisus dah ti lo cu ahohmanh baptisma ka pêk hna lo caah Pathian sinah lawmhnâk bia ka chim.

1 KORIN 1:14 ပူးပေါင်းရင်းမြစ်များ

LAMKALTU 10:48

Cucaah Jesuh Khrih min in tipil in awk kha a fial hna. Cun kan sinah tlawmpal in cam ko rih, tiah an nawl.

LAMKALTU 18:8

Pumhnak inn i haotu a simi Krispas le a chungkhar dihlak nih khan an zumh; cun Korinth khua chung i mi tampi hna nih khan bia cu an theih i an zumh i tipilnak an in.

ROM 16:23

Ka tluninn pa Gaius, Khrihfabu an i pumhnak inn a ngeitu nih hin nan kut an tlaih hna. Hi khua tangka kengtu Erastas le kan unau Kuartas nih nan kut an in tlaih hna.

1 KORIN 1:15

Cucaah cun, Paul zultu si awkah tipilnak kan ing, tiah ahohmanh nih nan ti kho lai lo.

1 KORIN 1:4

Khrih Jesuh thawngin an pekmi hna a vel ruangah hin ka Pathian cu ka lawmh zungzal.

1 KORIN 14:18

Nanmah nakin holhtheihlo in tampi ka holh deuh caah Pathian cu ka lawmh ko.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

FILEMON 1:4

Ka nau Filemon, thla ka cam fate nangmah kong kha ka chim i ka Pathian kha ka lawmh.