1 KORIN 1:12 - Lai (Hakha) Common Language Bible 2006

¹² Ka chim duhmi cu: a cheu nih, “Kannih cu Paul a ṭanhmi kan si,” nan timi le, a cheu nih, “Kannih cu Apollo a ṭanhmi kan si,” nan timi le a cheu nih, “Kannih cu Peter a ṭanhmi kan si,” nan timi le, a cheu nih, “Kannih cu Khrih a ṭanhmi kan si,” nan timi hi a si.

Laibaibal Thiang (BSI)

¹² Hihi ka chim lai, nan i thawh i kei cu Paul bu ka si, kei cu Apollo bu ka si, kei cu Peter bu ka si, kei cu Krih bu ka si, nan ti ciomi hi.

1 KORIN 1:12 ပူးပေါင်းရင်းမြစ်များ

1 SIANGPAHRANG 16:21

Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

JOHAN 1:42

Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

LAMKALTU 18:24

Alekzandria khuami Judah mi pakhat a min Apollo a simi kha Efesa khua ah a ra. Amah cu biachim a thiam ngaingaimi a si i Cathiang kha ṭha tein a hngalmi a si.

LAMKALTU 19:1

Apollo kha Korinth khua i a um lioah Paul cu kha peng chungah khan khual a tlawng i Efesa khua kha a phan. Khika ah zultu tlawmpal kha a va hmuh hna i

1 KORIN 1:11

Ka u le ka nau hna, Khalawi innchungkhar chungmi nih an ka chimh i an i si lengmang an in ti hna.

1 KORIN 15:5

cun Peter sinah khan a lang i lamkaltu hleihnih an dihlak sinah khan a lang fawn,

1 KORIN 15:50

Ka u le ka nau hna, ka chim duhmi cu hihi a si: thi le sa nih cun Pathian Pennak cu a co kho lai lo, cun a thi khomi nih hin thih khawh lonak cu a co kho ve lai lo.

1 KORIN 16:12

Cun kan unau Apollo cu, kan hawi dang hna le nanmah tlawn kha ka forh lengmang, asinain atu ah cun a si thiam rih lai lo tiah a ruah. Caan rem a hmuh tikah a ra te lai.

1 KORIN 4:6

Ka u le ka nau hna, nanmah ṭhatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangṭhat hlei hna hlah u, ahohmanh namh hlei hna hlah u.

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

2 KORIN 10:7

Thil cu a sining taktak in zohhmanh u sih: Pakhat nih aa thawh i Khrih ta ka si, a ti. Cu pa nih cun amah kha ṭha tein i ruat ta rih tuah seh, zeicahtiah amah cu Khrih ta a si tluk te khan kannih zong kan si ve ko.

2 KORIN 9:6

Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

GALATI 3:17

Ka chim duhmi cu hihi a si: Pathian nih biakamnak cu a tuah i cu biakam cu zulh awkah bia aa kam. Cu hnu kum za li le sawm thum ah Nawlbia kha a hung um i cu nih cun biakamnak cu a hrawk kho lo; Pathian biakamhmi cu pakpalawng zongah a canter kho lo.