1 CHANRELNAK 9:22 - Lai (Hakha) Common Language Bible 2006

²² Hi hna vialte, innkahram i kutka cawngtu ah thimmi hna cu za hnih le hleihnih an si. Annih cu an khua cio ah khan an chuahkehnak ningin minthlak an si. David le hmutu Samuel nih khan annih cu zumhawktlak an rian ah khan an fehter hna.

1 CHANRELNAK 9:22 ပူးပေါင်းရင်းမြစ်များ

1 CHANRELNAK 28:13

cun tlangbawi hna le Levi mi hna a phu a phu in an umnak ding le Bawipa inn chung rianṭuannak ca rian vialte; Bawipa inn chung rianṭuannak ca i umkheng vialte ca le,

1 CHANRELNAK 28:21

Cun Pathian inn rianṭuannak vialte ca i tlangbawi bu hna le Levi mibu hna hi zoh tuah hna; cun hi rian vialte ah hin zungthiammi paoh nih anmah le an thiamnak zawn rian paoh ah khan an in ṭanpi lai i bawi hna le mi vialte hna zong hi nangmah nawl tangah an um dih lai,” tiah a ti.

1 CHANRELNAK 29:29

Cun Siangpahrang David tuahsermi hna cu, a hmasa bik in a hmanung bik tiang, hmutu Samuel Chanrelnak ah le profet Nathan Chanrelnak ah le hmutu Gad Chanrelnak ah an i ṭial,

1 CHANRELNAK 9:16

cun Obadiah, amah cu Shemaiah fapa, Shemaiah cu Galal fapa, Galal cu Jeduthun fapa, le Berekhiah an si, Berekhiah cu Netofah mi hna khuate i a ummi Elkanah fapa Asa i a fapa a si.

1 CHANRELNAK 9:23

Cucaah anmah le an fapa hna nih khan Bawipa inn kutka hna cu an zohkhenh hna, mah cucu thlam inn kha a si, annih cu a cawngtu an si.

1 CHANRELNAK 9:31

cun Levi mi pakhat Mattithiah kha changreu thlum a per tete tuah uktu a si, amah cu Korah mi Shallum fapa upa bik a si.

2 CHANRELNAK 23:19

Ahohmanh zei bantuk thian lonak hmanh in a thiang lomi paoh cu an luh nakhnga lo, Bawipa inn kutka ah khan kutka hngaktu a chiah hna.

2 CHANRELNAK 31:15

Tlangbawi hna khua ah khan, an u an nau hna, a tar siseh, a no siseh, an i cheu ning khan, an covo cio kha phawt awkah Eden, Miniamin, Jeshua, Shemaiah, Amariah le Shekaniah nih khan tling tein an bawmh,

2 CHANRELNAK 31:18

Tlangbawi hna cu an fale dihlak, an nupile hna le an fapa hna le an fanu hna, an dihlak khan minthlak an si, zeicahtiah anmah le anmah thiang tein i chiahnak ah khan zumhtlak tein an um.

NEHEMIAH 11:36

Judah ram i a ummi Levi mibu a cheukhat hna cu Benjamin ram ah khan an i fon.

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

1 SAMUEL 9:9

(Hlan lioah cun Israel mi hna lak i pakhatkhat nih Pathian kha hal an duh ahcun, “Ra tuah, hmutu sinah kal u sih,” tiah an rak ti tawn, zeicah tiah atu i profet timi hi hlanah cun hmutu ti a rak si.)