1 CHANRELNAK 9:20 - Lai (Hakha) Common Language Bible 2006

²⁰ Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um.

1 CHANRELNAK 9:20 ပူးပေါင်းရင်းမြစ်များ

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

GENESIS 39:3

Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

1 CHANRELNAK 9:19

Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

NAMBAR 3:32

Cun tlangbawi Aaron fapa Eleazar cu Levi mi hna a hruitu hna lak i upa bik a si lai i, hmunthiang zohkhenh awk an rian a simi hna a hruitu a si lai.

NAMBAR 31:6

Moses nih phun khat chungin thong khat cio cu le, tlangbawi Eleazar fapa Phinehas a kut in hmunthiang umkheng le ralrin peknak muko aa putmi cu, raldohnak ah a thlah hna.

NAMBAR 4:16

“Cun tlangbawi Aaron fapa Eleazar cu van awk ca i chiti, rimthawmi zihmui, hun camcinmi changvut thawinak le thuhnak chiti cu a zohkhenhtu a si lai, puan biakinn a dihlak in le a chung i a ummi thil vialte le, hmunthiang le a thilthuam vialte zohkhenh zong a si lai.”

NAMBAR 4:28

Mah hihi Gershon mi hna an fapale hna i an chung cio in, tonnak thlam chungah an rian cu a si, cun an rian cu tlangbawi Aaron fapa Ithamar nih a zoh lai.

NAMBAR 4:33

Tlangbawi Aaron fapa Ithamar kut tangah Merari fapa hna chunglei i an rian, tonnak thlam chung i an rianṭuanmi cu a dihlak in, mah hihi a si,” tiah a ti.

JOSHUA 22:13

Cun Israel mi nih Gilead ram i Reuben mi hna le Gad mi hna le Manasseh phun cheu sinah cun tlangbawi Eleazar fapa Phinehas kha an thlah,

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.