1 CHANRELNAK 9:19 - Lai (Hakha) Common Language Bible 2006

¹⁹ Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan.

1 CHANRELNAK 9:19 ပူးပေါင်းရင်းမြစ်များ

2 SIANGPAHRANG 11:15

Cun tlangbawi Jehoiada nih ralkapbu cung i chiahmi ralkapbu haotu hna kha, “Amah kha zapi lak khan hun chuah u, cun amah a zulmi paoh cu vainam in that hna u,” tiah nawl a pek hna. Zeitintiah tlangbawi nih cun, “Bawipa inn chungah cun thah si hlah seh,” tiah a ti.

2 SIANGPAHRANG 11:9

Tlangbawi Jehoiada nih nawl a pek hna ningte khan ralkapbu haotu nih cun an tuah i sabbath ah rian a lawng hnga ding an mi hna cu sabbath i rian a ngei ding an mi hna he khan an ratpi hna i tlangbawi Jehoiada sinah khan an ra.

2 SIANGPAHRANG 12:10

Cun thingkuang chungah tangka tampi a um ti an hngalh fate, siangpahrang Caṭialtu le tlangbawi ngan kha an hung i Bawipa inn chungah an hmuhmi tangka cu an rel i sawngkhoi in an beo hna.

1 CHANRELNAK 9:18

annih cu hi hlanah cun nichuahlei kam i siangpahrang kutka ah khan chiah an si. Levi mi riahhmun hna kutka cawngtu cu mah hna hi an si.

1 CHANRELNAK 9:20

Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um.

SALM 42:1

Sazuk nih rial tidai a ngaih bantukin Maw Pathian nangmah cu kan ngai.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

SALM 49:1

Mi vialte hna, hihi thei tuah u, Khuazakip i a um mi hna, ngai tuah u,

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

JEREMIAH 35:4

annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh.

JEREMIAH 52:24

Cun ralvengtu ralkap haotu nih cun tlangbawi bik Seraiah le tlangbawi pahnihnak Zefaniah le biakinn cawngtu bawi pathum hna kha a kalpi hna.